SAM 94:16 - Cho Bible Common Language 2016

¹⁶ Changshe gui hnu ng’tuk püi ne, kei täng ah ng’düi khai a u ang? Cheishoh ci gui hnu na ne, kei täng ah om khai a u ang?

SAM 94:16 Referans Kwoze

SUKI GUI 5:23

Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.

3 JOHAN 1:8

Mikmi khritha gui naw cun ah mäih chang gui cu mi m’htei gui vai ah kyak ci nei. Cun ung vah ngami ah thudüng ah mawng bilawh nak cu mi hunshawih gui ciah kyak khai.

MATTHE 12:30

‘Kei täng ah kä om ciah chang cu na hnu ng’tuk püi ciah kyak ci. Kei awn a täng ah kä ng’bum tuk cicu ng’yaih-yam düt ciah kyak ci.

EZEKIEL 22:30

Kei naw chang ka shui ci. K’pang gui ang gai ung co ba khai, k’paung gui ang thüng law ung acun ung ng’düi ne m’htei khai, kei ah ka m’lungshe nak naw khonglei amdi law ung shungvong hning khai, cun ung phi a u phi kä ka hmuh hning ci.

JEREMIAH 5:1

Jerusalem chang gui, nami lam gui ung dawng vä! Veing ne teng vä! Nami mät ah phäh ah teng vä! Ami sum lei hmun gui ung shui vä! Ng’düng nak bik ciah chang, Khanpughi ung bekhüt vai ah k’tha nak ciah chang, nami hmuh hning khai aw? Nami hmuh ah a kyak ung, Bawipa naw Jerusalem cu m’geisei khai nei.

ISAIAH 63:5

Kei na bawm khai tumat phi kä om sei, teng ne hmu neta, kei cu ka cäi ci. Cun ung phi kei ah m’lungshe nak naw khüighat nak na pe sei, kei ka mät naw näng nak ka gah ci.

ISAIAH 59:16

Ami shedam nak gui m’htei htang tuk khai, a ukä om ci, cicu hmu neta, ani cu cäi ci. Cun ah kyasei ani naw amät ah huham cu mang ne, ngami gung gui ne, näng nak cu cah ci.

SAM 59:2

Changshe gui ah kut ung na k’phiawn ne; chang ngawn ci gui ah kut ungka na gung ä!

SAM 17:13

Bawipa, kyum law ä! Ka gaa gui cu ng’tuk püi gui ne m’htin gui ä! Changshe gui ung ka, na chim ghaat awn na hun ä;

NEHEMIAH 5:7

Ka hnüntho khai ah ka k’bäi ci. Kei naw chang gui ah ami ng’vai gui la bawi gui am ka pyen na gui ci, “Nangmi naw nami phäi nau gui nami shedam na gui ci nei!” Kei naw shin ah ng’cuhvah pyen khai ah chang khli khü neta

2 GHANGPUGHANG GUI 10:15

Jehu cu tün ne hteit law ba neta lam ung Rechab ah hta Jonadab awn ng’hmuk ci goi. Jehu naw yavaih neta a pyen cu, “Nang la kei ni täng ciah ka ngai ci. Kei na na k’cang nak ci ang?” cik ci. Jonadab naw, “Na kut na pe ä” ci sei ani kut ng’pang ni neta Jehu naw yatha ah khan ah kai tu sak neta, a pyen cu,

2 GHANGPUGHANG GUI 9:32

Jehu naw han teng neta m’lau ne, “A u ang kei täng ah a om?” cik ci. Bawipa gui hnih thum naw mang gaw m’kawt ung om ne yuk teng ci gui,

KHEI NAK 10:35

Thukhän M’küm tün ne a hteh law ba phung ung Moses naw, “Tho law ä, Bawipa, na ga gui püipyang sak gui ä!”

SAM 118:6

Bawipa cu kei awn om ci, kei cu kä ka kyik khai; kei ah khan ah a u naw a i bi hlawt khai ang?