SAM 93:1 - Cho Bible Common Language 2016

¹ Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

SAM 93:1 Referans Kwoze

SAM 96:10

Chang pakhui van ah ma ah, “Bawipa cu ghangpughang nei! cine pyen vä. Khomdek cu a hmun ung khäng ne kä ng’nawn hlawt ci nei; Ani naw chang gui cu düng nak awn m’khoi m’chak khai nei.”

SAM 99:1

Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

1 SHONTÄP NAK 29:12

Bühmang nak la bämcam nak avan cu nang ungka lawk ci, nang naw na k’thagui la na huham awn a päng nü cu na uk ci. Nang naw a u phi dämduh ne khüighat khai ah na pyang hning ci.

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

SAM 103:19

Bawipa naw a mang kiang cu khankho ah k’süm ci; Ani cu avan ah khan ah ghangpughang ah kyak ci.

SAM 65:6

Nang naw na thagui awn khomhtung gui cu k’süm ne, na hlüngtai nak cu na dang sak ci.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

SAM 97:1

Bawipa cu ghangpughang nei! Khomdek cu yei sä! Tui ah koi khokawng gui phi yeikyai u sä!

SAM 59:13

Na m’lung she nak awn m’di gui ä, ami van m’di gui ä. Cun ung Khanpughi naw, Israel kho a uk la, khomdek khan van m’shawng ne a uk cu hmat khai gui nei.

HEBRU 1:8

Cun ung phi A Htapa ah mawng a pyein nak läi ung Khanpughi naw, “O Khanpughi, na uknak ah kho cu, ang täi sei khäng khai nei! Nang naw na chang gui cu ng’müi khai ah Na uk gui ci nei.

ISAIAH 59:17

Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

ISAIAH 11:5

Ani naw a chang gui cu taga nak la dung nak awn uk gui khai.

SAM 145:13

Na uknak cu ng’täi ci, kho ng’län ung ghangpughang ah na kyak ci. Bawipa cu a shaitak ung bekhüt ci; a hnünthawh nak phung ung chimgein nak om ci.

SAM 18:32

A cun ah Khanpughi naw thagui na ghaat sak ne, Ka hteh nak lam phi düng sak ci.

JOB 40:10

A cun ah na kyak ung ng’tam ne chang k’om ne ng’düi ä. Hlüngtai bämang ciah sui cu sui ä.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

ISAIAH 63:1

“Edom khaw, Bozrah mang gaw ung lawk ciah chang cu a u ang? A sen ak kyom ah sui ne, huham la k’thamah nak awn ma tawn lawk cicu a u ang?” Hun nak vai awn be ne, a näng nak ng’shäu khai ah lawk ci cu, Bawipa nei.”

ISAIAH 52:7

Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”

ISAIAH 51:9

Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.

SAM 75:3

Ak ghing gui avan ng’thüng u ne, khomdek amät thüng sei phi, a phung ang yung cu kei naw ka htek sak khai nei.

ISAIAH 51:16

Kei naw khan khaw gui cu ka k’phiäih ci, khomdek ah ng’nei phi ka pyan ci; Jerusalem cu ka pyen nak ci, “Nang cu ka ning chang nei!” kei naw ka m’thei thang gui cu ka ning pek ci, ka kut awn ka ning shungvong ci.”

1 SHONTÄP NAK 16:30

Khomdek avan ama ah ng’hlet vä! Khomdek cu a hmun ung khäng khai am’düih ah kyak ci, kä ng’nawn hlawt khai nei.

1 SHONTÄP NAK 16:31

Khomdek la khankho yeikyai vä! Bawipa cu ghangpughang ah kyak ci nei, Chang pakhui gui am m’thei vä.

SAM 65:7

Nang naw tuinu gaai ne ng’hnawk ci phi na ng’düm sak ci, chang gui ah m’lau ne m’gäi nak phi na dim sak ci.