Biblia Todo Logo
Bib sou entènèt

- Piblisite -




SAM 92:9 - Cho Bible Common Language 2016

9 Na ga gui ami van cu si u sei, changshe gui ami van cu tuh ne na k’täm gui khai cicu kami hmat ci nei.

Gade chapit la Kopi




SAM 92:9
21 Referans Kwoze  

Cun ung phi changshe gui cu sih yawp khai gui; Bawipa ah a gaa gui cu chei ah maih ah thum ne, mei khu ah mäih ah maih khai gui.


Nang naw nget ciah Rahab cu shudeng ne na ngawn ci; m’gäi ciah na thagui awn na ga gui cu tu ne na k’täm gui ci.


Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.


Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.


Cun ung phi cun ah chang gui-am, ‘Chang she gui aw, nangmi a i yah ung phi kä ka ning hmat gui man ci nei, ka pei ah kä om ne a hei ah hteit vä!’ cine ka kyak na gui khai.


Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.


Chang pakhui gui cu tuinu ah ng’güüt ah mäih ah ma lam gawk lawk ci gui. Cun ung phi khanpughi naw k’ceet gui sei, ngami cu ng’hlat u ne, khokhi naw m’htung pem ung m’vut azon ah mäih ah, küiphak naw htang kou a zon ah mäih ah kyak ci gui.


Nang ung ng’shawng ne om ci gui cu nang naw na m’di gui khai; nang ung kä bekhüt ci gui cu nang naw na m’di gui khai.


Tui hmuk ciah pyasa ah mäih ah kyak ciah Egypt gui cu m’cäi gui ä, sei nget gui ah kya ne ami hto gui awn om ci gui ah pakhui gui cu m’cäi gui ä, ngami cu ng’ui law püi ne kä ami m’khukdong pha güt m’cäi gui ä. Ng’tuk vai m’hni ciah cun ah chang gui cu k’püi gui ä!


O Khanpughi kä ngawn-en gui ä, cun ung ka chang gui naw m’hnih khai gui nei. Na thagui awn ng’pyek ng’pai sak gui ne hnim gui ä, O Bawipa, kami ng’yii nak.


Cun ung phi chang shekha gui cu cun ah mäih ah kä kyak ci; Ngami cu khokhi naw a yon ah ko ah mäih ah kyak ci gui.


O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.


“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.


Thukhän M’küm tün ne a hteh law ba phung ung Moses naw, “Tho law ä, Bawipa, na ga gui püipyang sak gui ä!”


Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.


M’gäi ciah Bawipa, nang cu khomdek avan uktu ah na kyak ci; Nang cu khanpughi gui avan nata, akdäm na hlüngtai pi ci nei.


Nang cu tho ne, Zion mang gaw cu m’gein law ä; Ani na m’gein nak vai ah khin cu gawk lawk ci; shin cu a khin ni pi ah kyak ci nei.


Cau pui pui nang naw khomdek cu na tüisho ci, na mät ah kut awn khankho cu na pyang ci.


Swiv nou:

Piblisite


Piblisite