SAM 92:6 - Cho Bible Common Language 2016

⁶ Shin ah a mawng cu ak gu naw kä a hmat; ak ang naw kä a k’shing:

SAM 92:6 Referans Kwoze

SAM 73:22

kei cu ui ai ah mäih ah kya ne; nang ah mawng cu kä ka ning hmat ci nei.

SAM 94:8

Ka chang gui aw, a i hlawk ah shin ah nami gu-ang ang? A i sangung nami theithang lawk khai ang?

NG'THU K'THUUK~ 1:22

“Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

SAM 49:10

Chang van ah hmuhmat cu, cüi vai ci phi sik ci, chang gu ang shekha phi sik ci, ami van naw ami khawh cu ami hta nau-am nawng pe shüt ci gui.

1 KORIN 2:14

Mumcha kä gah ciah chang naw Khanpughi ah Mumcha ung ka lawk ciah m’gein nak cu kä gah hlawt khai. Mumcha ung phung pawng ci naw vah acun ah a phu cu m’khoicha hlawt ci kyasei, Mumcha kä gah ciah chang naw, Mumcha ah m’gein nak ah mawng cu akcang ah kä hmat ci, ani ah phäh ah cun gui cu akholä ah kyak ci.

JEREMIAH 10:14

Ashin ami hmuh nak awn chang gui cu awng aang u ne, a i kä hmat ci gui; agup gui pyang ci gui naw kä ng’ya hlü ba ci gui, a i ah kyasei ci ung ami pyan ah khanpughi gui cu kä bä ci la kä ghing ciah a kyak ah phäh ah kyak ci.

NG'THU K'THUUK~ 24:7

Cüivai nak ng’thu cu thuuk aih ciah kyasei, chang gu ang naw kä hmat yäi ci. Küikyang aih ciah amawng gui pyen sak law ung ani naw a pyen tu vai a i kä om ci.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

ISAIAH 1:3

Seipat gui naw a u naw aka nak gui cu hmat ci gui, ng’sela gui naw ami mah naw a vuh gui mawng hmat ci gui. Cun gui cu ka chang Israel gui ah ta hmat pi ci gui nei. Ngami cu a i phi kä hmat ling ci gui” cik ci.

NG'THU K'THUUK~ 30:2

Kei cu chang ah mäih ah kä kya ne ui ai ah mäih ka lawk ci. Chang ung om khai ah lu hnga kei ung kä om ci.

SAM 32:9

Ang ciah ng’se ah mäih ah kä nami kyak vai, The cu a nep vai ah am gawng ung gui awn khit ne kaih ah kyak ci” cik ci.

SAM 14:1

Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.

SAM 75:4

Changshe gui kä ami m’gha m’ce vai ah ka pyen khai;

SAM 104:24

Bawipa, nang naw akchün akda na tüisho ci! A i hlawk ah cüivai ne na pyan gui ang. Khomdek cu na tüisho awn be ci nei.

SAM 139:14

Nang cu ka ning m’tam ci, a i ah kyasei ci ung nang cu kyih aa vai na kyak ci; Nang ah na bi phung cu a hlü hlü ah cäicat vai kyak ci. Kei naw cun cu ka m’lung kyong avan awn ka hmat ci.

ISAIAH 28:29

Shin ah cüi vai nak gui avan cu m’gäi ciah Bawipa ung ka lawk ci. Khanpughi naw abi ah m’hnütbäi nak cu lunglang ci, cun gui co angtäi sei m’khütnäng nak ah kyak ci!

ISAIAH 55:9

Khankho cu khomdek ah a hlüngpi ah mäih ah, kei ah ka lam la ka ngaih-tüh gui cu nangmi ah ta hlüng pi ci.

JEREMIAH 32:19

Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.