SAM 92:5 - Cho Bible Common Language 2016

⁵ Bawipa, na bi lawh gui cu küikyang aih ci nei! Na ngaih-tüh gui phi thuuk aih ci nei!

SAM 92:5 Referans Kwoze

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

SAM 139:17

O Khanpughi, na ngaih-tüh ka hmuh vai ah a i hlawk ah khak ciang; cun gui cu a i hlawk ah da ciang!

1 KORIN 2:10

Khanpughi naw mikmi am amät ah m’yih gui cu, Mumcha awn nam dang gui ci. Mumcha naw a päng avan bäng ah kä kyak ciah, Khanpughi ah thuuk ne ng’yih ciah ang bü nak gui cun phi shuilei ci.

SAM 111:2

Bawipa ah abi gui cu cäi aih vai kyak ci nei! Ani ung tuihlim ci phung naw a cun ah mawng gui cu hmuhmat hlük ci gui.

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

ISAIAH 28:29

Shin ah cüi vai nak gui avan cu m’gäi ciah Bawipa ung ka lawk ci. Khanpughi naw abi ah m’hnütbäi nak cu lunglang ci, cun gui co angtäi sei m’khütnäng nak ah kyak ci!

SAM 104:24

Bawipa, nang naw akchün akda na tüisho ci! A i hlawk ah cüivai ne na pyan gui ang. Khomdek cu na tüisho awn be ci nei.

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

JEREMIAH 23:20

Cun cu ani naw abi vai ah ang ngaih gui nü kä abi pha ah chuih kä ng’pyi khai. Cun ah hnüüp gui a gawk law ung a chang gui naw htei cha sei hmat khai gui.”

THUSHÄUTU 7:24

Ghin nak cu a i ang, cicu a i cha ah, a u naw hmuteng hning khai ang? Cun cu mikmi ah phäh ah thuk aih ci nei, hmat vai ah khak aih ci nei.

SAM 36:6

Na düng nak cu m’htung küi ah mäih ah ng’tai ne, na taga nak cu tuinu ah mäih ah thuk ci nei. Chang la ak ghing avan cu nang naw na m’hteihtang ci nei.

SAM 64:6

Ngami naw akshe pawng püi u neta, “Keimi naw kümbe ciah cheishoh nak kami pawng püi ci,” cik ci gui. Chang ah m’lung la ngaih cu thuk aih ci nei.