SAM 92:4 - Cho Bible Common Language 2016

⁴ O Bawipa, m’gäi ciah na hnünthawh nak naw, na yei sak ci; Na bi gui ah hmawk ah yei ne ng’äi ka m’cu ci.

SAM 92:4 Referans Kwoze

2 KORIN 2:14

Cun ung phi Khanpughi kam hlüngtai ci! A i ah kyasei ci ung Khanpughi naw mikmi cu Bawi Khrih ung na kawng ät sak gui ne, Bawi Khrih ah näng nak tung ak chang phaa ah khän ne a na ng’leen püi gui ah hmawk ah kyak ci. Bawi Khrih ah mawng hmuh hmat nak cu, tui ng’ui ah mäih ah kho ng’nü ung ang ui vai ah Khanpughi naw na mang gui ci.

SAM 8:6

Nang naw na pyantham avan uk khai ah ani cu na m’düih ci; na tüisho avan ah khan ah na om sak ci:

LUKA 1:47

Khanpughi Hunbawi hmawk ah ka mümcha yeikyai ci,

SAM 126:3

A cang ah ani naw, mikmi ah hmawk ah a küikyang ah bi bik ci nei; A i hlawk ah mi yei kyai naw!

JOHAN 16:22

Nangmi tuhbäi nami thüisei ci, cun ung phi kei awn mi ng’hmu ba mä khai kyasei nami m’lung cu yeikyai nak awn be khai, cun ah yeikyai nak cu hnicim chang naw kä m’shet hlawt khai.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

SAM 143:5

Ng’pyi khän ciah hnüüp gui cu ka shüm ba ci; Nang ah bi gui avan cu ka ngaih-tüh ci, Nang ah bi gui avan cu ka ngaih-tüh ci, Nang ah hnün thawh gui avan cu ka m’lung ung ka khäm ci.

JEREMIAH 31:7

Bawipa naw pyen ci, “Pakhui gui ung akdäm pi ah kyak ciah Israel ah phäh ah yei ne ng’äi m’cu vä. M’hlüng tai nak ah ng’äi cu m’cu vä, Bawipa naw a chang gui cu hun pyi ci nei; ‘Pawih ba ci gui ami van cu gung gui pyi ci nei.

SAM 104:31

Bawipa ah bämang nak cu angtäi ah om sä! Bawipa cu a tüisho gui ung yeikyai nak om sä!

SAM 90:16

Bä ciah na hnün thawh nak cu na changshäm gui am na hmuh sak gui ne, chün ciah na m’gäi nak cu kami hta ng’shon am hmuh sak gui ä.

SAM 64:10

Bawipa ah bi lawh ah hmawk ah ng’düng ciah chang gui cu yei khai gui. Ngami naw ani ung phyawn nak hmuk khai gui; changnigui ami van naw m’taam khai gui.

SAM 104:34

Kei ah ng’äi awn ani cu yeikyai khai, ka yeikyai nak cu ani ung ka lawk ci nei.

SAM 33:2

Bawipa cu tingtäng tum ne hlüngtai vä. Gui awn pyan gui tum ne, ng’äi m’cu vä.