SAM 92:3 - Cho Bible Common Language 2016

³ gui awn pyan ah tum khawn la ak aw nik ciah tingtäng tum ne ning m’taam cu bä aih ci nei.

SAM 92:3 Referans Kwoze

SAM 33:2

Bawipa cu tingtäng tum ne hlüngtai vä. Gui awn pyan gui tum ne, ng’äi m’cu vä.

SAM 68:25

Ng’äi m’cu ci gui ma ci gui, hting k’bei tum ci gui hnu ci gui, ang lung ung k’htung bum ciah hnumi hta gui hteit ci gui.

NEHEMIAH 12:27

Jerusalem mang gaw pang ap nak ung Levit gui cu ami om nak päng ungka naw law püi gui ci gui, cun ah kyasei ngami naw ng’ap nak ah pawi ung m’hlüng nak ah ng’äi gui m’cu ne htingsheei tingtäng tum ne yeikyai ci gui.

2 SHONTÄP NAK 23:5

A hei bum ät naw mang im ngäng khai, k’pawih ba ci naw angnei m’kawt ngäng khai chang gui ami van cu Taigüim hmun kyong ah ng’bum khai gui.

1 SHONTÄP NAK 13:8

David la chang gui ami van naw ami k’tha avan la ne, ng’lam ne Khanpughi m’tamkhah ci gui. Ngami cu ng’äi m’cu u ne, tingtäng ni, k’hting ni ng’ceei ni, phyungheng ni cu tumkhawng ci gui.

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

1 SAMUEL 10:5

Cun kawn ah nang cu Gibeah ah Khanpughi ah khaw gui ah ni hteh vai, acu ah Philistin gui ah phung om ci. Gawnu ah luh nak m’kawt ung, khaw gui ah sonkyang ah ka kyum law ba ciah prophet bum ät awn nami ng’hmuk khai, ngami cu tingtäng ni, k’hting ni, phyung lawi ni, tingtangnu ni tum ci gui. Ngami cu ng’lam khai gui, m’lau khai gui.

SAM 149:3

Ng’laam ne ang ming cu m’tam vä; k’hting la k’bei tum ne Bawipa cu m’tam vä.

SAM 57:8

Ka mümcha, Tho law! Ka tingtäng la ka phyung heng tho law vä! Kei naw nu k’hni ka m’tho khai nei.

2 SHONTÄP NAK 29:25

Ghangpughang ah prophet Kad la prophet Nathan ungka naw Bawipa naw ghangpughang David am a pek ah m’shümthein nak gui cu ghangpughang naw läk ci. Levit gui cu tingtäng la ng’sheei gui pe gui ne Taigüim ung tha gui ci.

1 SHONTÄP NAK 25:6

A hta pami gui ami van naw ami pa ah m’shümthein ah ka ung Taigüim ung khawihnah nak ung tingtäng ni ng’sheei ni cu tum ci gui. Asaph, Jeduthun la Heman ni cu ghangpughang ah thukbäi ah mäih ah bik ci gui.

1 SHONTÄP NAK 15:16

David naw Levit ami ng’vai gui am thumkhän pe gui ne, Levit päng naw ng’äi m’cu ne yeikyai ne k’bei ni, ng’sheei ni ami tumkhawn vai ah pyen sak gui ci.

1 SHONTÄP NAK 23:30

a khongawi päng, a mühun päng Bawipa m’hlümtai ne, m’tamkhah nak,

2 SHONTÄP NAK 20:28

Ngami cu mang gaw ah ami gawk law ung phyungpuuk la phyungheng gui tum u ne Taigüim ah hteit ci gui.

SAM 42:9

Ka ng’zi nak Khanpughi ah thu ka pyen cu, “A i ah kyasei kei na na m’hnih ang? A i ah kyasei ka gaa gui ah shedam nak ung ka gein vai ang?”