SAM 92:15 - Cho Bible Common Language 2016

¹⁵ A cun naw Bawipa ah düng nak la ka khozii ung cheishoh nak kä a om ah mawng cu dang sak ci nei.

SAM 92:15 Referans Kwoze

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

ROMAN 9:14

Cun ung Khanpughi kä taga ciah mi pyein khai ang! Cun ah kä kyak ci.

SAM 62:6

Ani bäng naw na shung ne na hun ci; Ani cu ka ng’yii nak ah kyak ci, kei a i naw kä na hmim phung khai.

SAM 145:17

Bawipa cu a bilawh nak avan ung düng ne, a hnünthawh nak avan ung m’gein ci.

JOB 34:10

Nang ngai vä, hmuhmat ciah chang gui, M’gäi ciah Khanpughi naw cheishoh nak bik khai ma?

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

ZEPHANIAH 3:5

Cun ung phi Bawipa cu mang gaw om sang ci, ang düng bang bik ci, akshe phung kä bik ci. A ngawi tä sei kä m’chüh en ah chang gui ah om nak ah taga nak cu law püi ci. Cung phi kä ng’düng ciah chang gui naw akshe bi vai k’pang u ne, kä ng’aa ci gui.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

THULÄÄN NAK 34:7

Moses cu asih law vai ung a khokum phia la m’ku lawk ci. Ani cu gai yah ci, amik m’ding ne ni lä ci.

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

NG'THU K'THUUK~ 10:27

Bawipa läk cicu akshou ghing ci, changshe cu akhin kä gawk pha sei sik ci.