SAM 92:13 - Cho Bible Common Language 2016

¹³ Ngami cu Bawipa ah im ung geit ah sing ghing ah mäih kya u ne, mi Khanpughi ah pum im ung bämang ci gui,

SAM 92:13 Referans Kwoze

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

ROMAN 6:5

A i ah kyah sei ci ung, ani awn a täng ah mi sih tu ung, ani awn a täng ah sih nak ungka mi thawh tu ba vai ah hmawk ah kyak ci.

SAM 100:4

M’hlüngtai nak awn a Pum im kawt ung lut vä; m’taam khah nak awn amang pang k’um ah hteit vä. Ani cu m’hlüngtai ne m’taam khah vä.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

SAM 135:2

Bawipa ah a im, mi Khanpughi ah Pum im kyong ah ng’düi ci gui naw.

2 SHONTÄP NAK 4:9

Ngami naw taigü gui ah phäh ah akyongtäng kyong pyang u ne akpungtäng kyong phi pyang ci gui. Kyong gui ah ng’lak ung m’kawt ung k’shoh gui cu kyei awn ami vook ah kyak ci.

ROMAN 11:17

Chang gui naw olive sing k’tui ah ng’ban cu m’chün u netah, pyupying k’thui ah ng’ban awn m’dün ne ng’ling ci gui. Pyupying k’thui naw, pyupying k’tui ah ang’yung la a ghing ung kaa, a ei auk tu ah mäih ah, nang mi khui hei chang gui naw cu Jew chang gui ungka mümcha ghin nak cu nami gah tuk ci.

ESTA 9:4

Tuhbäi Mordekai cu mang im ung huham mah pikbäih ne, a huham däm law piktäi ciah uknak khaw avan ung hmat pyi ci gui.

SOLOMON NG’Ä~ 4:11

Ka m’hni aw, na m’nei cu khoitui ah mäih ah tui ci; nang ah m’lei cu kei ah phäh ah suuk tui la khoi tui ah kyak ci nei. Na suisak gui cu Lebanon tui ng’ui avan ah mäih ah kyak ci nei.

SOLOMON NG’Ä~ 5:15

A pei khaw gui cu ghui awn vook ah toulung gui ah mäih ah kyak ci. Abäkhäk nak cu Lebanon M’htung ah hlüng ciah cedar sing gui ah mäih ah kyak ci.

HOSEA 14:5

Kei cu Israel gui ah khan ah khong gau khaw ung khaw a aa ah mäih ah ka kyak khai. Ngami cu cheipai ah mäih ah pai khai gui. Ngami cu lebanon sing ah mäih ah khäng sei ng’yung khai gui.