SAM 92:12 - Cho Bible Common Language 2016

¹² Ng’düng ciah chang gui cu sagui ghing ah mäih ah bämang u ne, Lebanon kho ah m’htai ghing ah mäih ah ng’ghaw bai khai gui nei.

SAM 92:12 Referans Kwoze

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

JEREMIAH 17:8

Ngami cu tui lawng pei ah ghing ciah sing ghing ah mäih ah kya u ne, tui ah gawk ne ami pya hteit ci. Khong ling kho a gawk law ung phi ngami cu kä kyik ci gui, a i ah kyasei ci ung ani ah hnah gui cu akphlüt ah ching ci: Kho kä a aa ung phi ngami cu kä ng’ä ci gui; angtäi sei theih lä ci gui.

SAM 104:16

Lebanon ah m’htai ghing gui naw kho akda aa sak ci cun cu Bawipa amät ah sing ghing, amät ah geit ah kyak ci.

SAM 52:8

Cun ung phi kei cu Khanpughi ah im ung ghing ciah Olive sing ah mäih ah ka kyak ci nei. Kei naw hlim ciah am hni nak cu angtäi sei ka ngaih u ci nei.

KHEI NAK 24:6

M’htai ghing gui ang sau ah ang tän ah mäih ah kyak ci gui nei, kä cun ung, tuinu pei ah dum ah mäih ah kyak ci nei. Bawipa ah geit ah ghing dung ghing ah mäih ah kyak ci.

AMOS 2:9

“Cun ung ka chang gui aw, nangmi ah hmawk ah Amorit chang gui cu ng’pyi khai gui ah ka m’di gui khai nei, ngami cu ceda sing güt law u ne, m’htai ghing hlawk ah khüi ci gui.

SAM 72:7

Düng ciah ah chang cu a ghin yah ung bämang sä, cha a vai ah chuih bühmang sä.

ISAIAH 55:13

Tuhbäi hling k’cam gui ah ghing nak ung a geit-ghing gui tho lawk khai; Ng’hling ghing gui ah hnün ung mirtle sing gui tho lawk khai gui. Shin cu ngawi yä om khai ah m’khüt nak ah kyak ci, Kei, Bawipa naw ka bi gui m’shüm hnuh ba ah kyak ci.

1 GHANGPUGHANG GUI 6:29

Akhan nu la akyong akhan ah k’pang gui avan cu cherubim gui ah a gup gui la m’chum ghing gui la cheipai gui awn cüiche ci gui.

SAM 92:7

Changshe gui cu khu m’ghaw ah mäih ah tho u ne, cheishoh ci gui cu ami bä mang ung phi; ngami cu di ne htin khai gui nei,

1 GHANGPUGHANG GUI 4:33

Ani naw sing ghing khu m’sai gui ah a mawng pyen ni, Lebanon cedar sing ungka naw k’pang ung phung ciah k’pan ung khüt sei pyen ci; khisa gui, kha gui, k’phyu m’khaw gui, nga gui ah mawng phi pyen ci.

SAM 148:9

Ani cu m’tam vä, kho gui, khomhtung gui, m’theih ciah sing la bungpuk gui;

ESTA 9:5

Cun ah kyasei Jew gui naw ami ga gui ah khan ung ami ng’yak hlü ah bi hning ci gui, ngami naw khim awn tu ne ngawn gui ci gui.

SAM 37:34

Bawipa ung ngaih u nak ta ne, ang thum khen cu läk vä; ani naw ng’dü khaw ning pe gui ne, ning m’taam khah gui khai; changshe ak täm cu nang mi naw nami hmuk khai.

MIKHAH 7:10

Mi ga gui naw hmu neta kä yei khai gui. “Nami Bawipa Khanpughi cu a hawi ang?” cine na ng’shi gui ciah mi ga gui naw, a cun gui cu hmu u neta, lü ng’aa khai gui. Ngami cu lam ung ng’nai ah mäih ah kai na gui ne dep gui u sei mi hmu gui khai nei.