SAM 91:5 - Cho Bible Common Language 2016

⁵ Nang naw khomü ah a i kä na kyih vai, kho hnüüp ah ning tuk khai phi kä na kyih vai,

SAM 91:5 Referans Kwoze

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

HEBRU 13:6

Cun ah kyasei, “Bawipa cu kei nam htei ciah Bawi ah kyak ci, Kei cu kä ka kyikyawk khai. A u naw kei ah khan ah a i bi hlawt khai ang?

SAM 112:7

Ani cu thushe ang yak ung phi kä kyih ci; a yum nak cu khüighat ci, Bawipa ung ng’ap ciah kyak ci.

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

SAM 46:2

Cun ah kyasei, shihpi thüng ne, khomhtung gui pyawn ne tuinu ah ang dawn ung phi, mikmi ung kyih nak kä om khai nei;

MATTHE 8:26

Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

2 GHANGPUGHANG GUI 7:6

Bawipa naw Sirian gui ah ng’yak vai ah ng’se gui la yatha gui awn lawk ciah gakap ak chün ah mäih ah k’aw cu ng’thang sak khäta, Israel ghangpughang naw Hittit la Egypt ghangpughang gui ng’vat sei ami gakap gui naw tu law gui ciah ngai ci gui.

LUKA 12:39

Akcang ah im ah naw m’guk-ei a law nak vai ah akhin cu a hmat ung ani ah im ung m’guk-ei kä lut hlawt khai cicu nami hmat khai.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

ISAIAH 21:4

Kei ah kalu cu nak phiui ci nei, kei cu kyi ne ka ng’hlet ci nei. Kei naw khaw mühun cu ka gingeo ci nei, cun ung phi cun naw a i kä law püi ci, kyih nak bang ah kya ci.

SOLOMON NG’Ä~ 3:8

Ngami ami van cu khim bi thei ci gui; ngami cu ng’tuk nak ng’thei pyi ci gui ah kyak ci. A chang sing naw khim sem kawt ci gui, cun cu mü ung ami ng’tuk nak vai ah kyak ci.

JOB 6:4

M’gäi ciah Khanpughi naw am’la gui awn na kap ci, Ngami ah ami m’äm cu kei ah pumsa avan ung gawk ci nei. Khanpughi naw kei ana kyih vai hnungtuk nak cu m’hnüt k’bäi ci nei.