SAM 91:2 - Cho Bible Common Language 2016

² Ng’thu a pyen vai cu, “Nang cu ka ng’yii nak la na shung vong ciah na kyak ci. Nang cu ka Khanpughi; nang ung kei ka ng’ap ci,” ciah kyak ci.

SAM 91:2 Referans Kwoze

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

SAM 142:5

Bawipa, na tengkhen ci a u kä om ci nei. Na na m’htei vai ah ka kyap ci nei; Nang, Bawipa cu ka ning yii nak nei. Ka ghin yah ung ka ng’yak hlü avan cu, nang ah kyak ci nei.

SAM 46:1

Khanpughi cu mi ng’zi nak la mi thagui ah kyak ci. Mi geinvai law ung na m’htei gui ge khai ah om ci.

SAM 71:3

Ka yii nak ah kya ne, m’gäi nak awn na shung vong ä, Nang cu ka yii nak la ka ng’shung nak ah na kyak ci.

SAM 14:6

A she bik ci gui naw m’lung ng’neim ci gui ah m’lung ngaih cu m’shet ci gui, Cun ung phi ngami cu Bawipa naw m’htei gui ci.

SAM 91:9

Nang naw na ng’shung nak cu Bawipa ah kyak ci. A hlüngtai säih cu na ng’yii nak ah kyak ci,

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

SAM 48:14

“Shin ah Khanpughi cu ngawi yä mi Khanpughi nei; Ani naw ngawi yä lam na m’shüm gui khai nei.”

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

LUKA 20:38

Khanpughi cu sik ci gui ah Khanpughi ah kä kyak ci, ghing ci gui ah Khanpughi ah kyak ci” cine m’thein gui ci.

JEREMIAH 31:1

Bawipa naw pyen ci, “Kei cu Israel Pakhui avan ah Khanpughi ah ka kyak nak la ngami cu kei ah Chang ah ami kyak nak vai ah akhin cu gawk lawk ci nei.

SAM 43:4

O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.

SAM 18:3

Bawipa cu ka khü ci nei, Ani naw ka ga gui ah kut ung na hun ci nei. Bawipa kam hlüngtai ci nei.

SAM 25:2

Ka Khanpughi, nang ung ka ng’ap ci nei. Thui ng’a nak ung na k’phyawn ä; Ka gaa gui naw kä na näng en u sä!

SAM 31:15

Kei cu angtäi sei na na tengkhen ci, ka gaa gui ah kut ung na hun ä, Ngami naw na dukdeiu nak ci gui.

SAM 46:2

Cun ah kyasei, shihpi thüng ne, khomhtung gui pyawn ne tuinu ah ang dawn ung phi, mikmi ung kyih nak kä om khai nei;

SAM 61:5

O Khanpughi, ka shaitak cu na ng’ya pyi ci nei. Nang ning m’tam ngak ci gui ah ami mang vai cu nang naw na na pek ci nei.

SAM 142:6

Na na m’htei vai ah ka kyah cu na ngai ä; Kei cu ng’zom ne ka ng’neim ci nei. Ka ga gui ah kut ung na hun ä, ngami cu gai aih ci gui nei.