SAM 91:11 - Cho Bible Common Language 2016

¹¹ Khanpughi naw nang ning ngäng khai, na hteh nak päng ah ning m’htei khai ah a khanchang cu yuk chah lawk khai.

SAM 91:11 Referans Kwoze

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

MATTHE 4:6

“Cacim ung,” Khanpughi naw nang ning m’hteihtang khai gui ah khankho chang gui yuk tüi law sei, ngami naw nang ah kho cu lung naw kä ning tawn-en khai ah ning chang khai gui’ ciah om ci. Cun ah kyasei nang cu Khanpughi ah Htapa akcang ah na kiak ung yu ng’htoü shüm ä, cine pyen nak ci.

SAM 71:3

Ka yii nak ah kya ne, m’gäi nak awn na shung vong ä, Nang cu ka yii nak la ka ng’shung nak ah na kyak ci.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

JEREMIAH 2:18

A i ah ang nami ngaih, Egypt ah hteit ne, Nile tuinu ung tui aw ne, nami bä pi khai ang? A i ah ang nami ngaih, Assiria ah hteit ne, Euphratis tuinu ung tui aw ne, nami bä pi khai ang?

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

PHYAWN NAK 23:20

“Kei naw khankho chang cu na ma ah ka tüi lawk khai. Ani aw nami hteh nak ah lam ung ning shung vong gui ne, ka ning pyan pek gui ah hmun ung ning law püi gui khai.