SAM 91:1 - Cho Bible Common Language 2016

¹ Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah

SAM 91:1 Referans Kwoze

SAM 32:7

Nang cu ka ng’thuh nak ah na kyak ci; Nang naw khüikhai nak ung na na hun khai; Na hun nak ah mawng m’lau ne ng’äi ka m’cu khai, cun cu na na shungvong ah hmawk ah kyak ci.

SAM 27:5

Geinvai yah ung ani naw a im ung na ng’yii sak ne; pum im kyong ah phyawn vai ah na thup ci, hlüng ciah lung tung khan ah na taih ne na phyawn ci.

SAM 36:7

O Khanpughi, nam hni nak cu küikyang aih ci nei! Chang ah hta naw na ng’phia hnim cu yii ci gui nei.

SAM 17:8

Na mik cang awn na tengkhen ä; na ng’phia hniim ung na thup ä,

SAM 31:20

Ngami cu chang gui ah cicum nak ung la ga gui ah bi nak ung phyawng khai gui ah nang naw ng’yii nak ung na thup gui ci.

ISAIAH 25:4

Dukhaih ci la am geinka gui cu nang ung ng’yii ci gui nei, yaica nak ah akhin ung ngami cu phiawn nak gah ci gui nei. Pui khokhi ung ng’yii nak vai la mei k’cang ung ng’shung nak vai na pe gui ci nei. Chang m’ghämce naw sik khokhi ah mäih ah,

SAM 121:5

Bawipa naw ning ngäng ci; Ani naw na pei ah om ne ning m’htei ci.

ISAIAH 32:2

Ngami tumat ci cu, khokhi ung ng’shung nak, puikhokhi ung ng’thuh nak ah hmun ah kyak khai gui nei. Ngami cu khong gau kho ung long tui ah mäih, ng’kiangma kho ung om ciah lung k’pou nu ah ang hnim ah mäih ah kyak khai gui nei.

SAM 90:1

O Bawipa, nang cu angtäi sei keimi ah im ah na kyak ci.

SAM 57:1

Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

NG’ÄI KYAH 4:20

Ngami naw mi ghin nak ah a phung cu khäm ci gui. Bawipa naw aghü ah ghangpughang, ani cu na tu law gui phung ung na shungvong gui khai ah mi ng’ap nak ah kyak ci.

SAM 52:8

Cun ung phi kei cu Khanpughi ah im ung ghing ciah Olive sing ah mäih ah ka kyak ci nei. Kei naw hlim ciah am hni nak cu angtäi sei ka ngaih u ci nei.

SAM 25:13

Ngami cu angtäi sei bühmang khai gui, ami hta gui naw kho khäm khai gui.

SOLOMON NG’Ä~ 2:3

Kei ah ka m’hni pi cu ahei pami gui awn m’täng ung, bunghmu sing ghing gui ah ng’lung ah htuitui sing awn täng ci nei. Kei cu ani ah ng’hnim ung ka ngaw hlük ci, acun ah m’theih cu ei ung tuui aih ci nei.

EZEKIEL 11:16

“Tuhbäi kei nae pyen gui cu name paw gui omktu gui am m’thein tu gui vä. Kei cu ngami ashou nak ah khaw ah om khai gui ah tüi gui ne khopäng ahei yung ah püi sak gui ciah ka kyak ci nei. Cun ung phi, akhin a gawk law ung, ngami ami gawk nak ah khaw ung kei naw atäng ah ka om püi gui khai nei.

ISAIAH 8:14

Kyihcat vai ah ka theingciim nak ah hmawk ah kei cu chang gui naw ng’vawn ne ami ng’täät nak ah lung awn ka tang ci; kei cu cun ah ka kyak ci, acun naw Judah la Israel uknak khaw ung chang gui la Jerusalem ung chang gui cu pha gui khai.

SUKI GUI 9:15

Hing-kyam naw, “Kei cu nami ghangpughang ah akcang ah nami na hmoh hlü ah a kyak ung, kei ah hnim ung law ne nami ng’zii law vai. Cun ah kä nami kyak ung ka hlin ban gui ung ka mei lut law ne Lebanon sing gui cu ui yawp khai” cik ci.