Biblia Todo Logo
Bib sou entènèt

- Piblisite -




SAM 90:8 - Cho Bible Common Language 2016

8 Nang naw kami katnak cu na ma ah bum ne, m’zih ne kami katnak cu na hmuh nak vai ung na tha ci.

Gade chapit la Kopi




SAM 90:8
23 Referans Kwoze  

Kei naw ami bi phung ka hmuk ci. Kei ah kä hmuh vai ah thuh a i kä om ci; ngami ah katnak cu kei ah hmuh nak ung kä phyawng ci.


Mi bi nü nü, aka, m’zih ne bi gui avan cu Khanpughi naw m’khoichak khai nei.


Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?


Ani ah hma katnak cu a u naw kä hmuk ci; ng’thup ciah katnak ung ka nak phyawn ä, Bawipa!


Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.


Mi m’lung ngaih naw anam shet m’kat law gui ung phi, Khanpughi cu mi m’lung ngaih ah mä hlüngtai pi ne, a päng avan hmat yawp ci, cicu mi hmat ci.


Changshe naw amät ng’htau pyi ne, “Khanpughi naw a i ah kä na sui ci! Amik m’shing ne, kei cu kä na hmuk ci!” cik ci gui.


Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.


Cun ah kya sei, kei naw ka ng’shäu ah Thu Ni ah pyein ah m’khoichaa nak ah kho hnüüp ung Khanpughi naw, Bawipa Jesuh Khrit awn chang gui naw m’yih ne ami ngaih-tüh gui phung cu, m’khoi m’cha ne m’dang yawp khai nei.


Khanpughi naw na ng’shik cu, “Hnicim Chang, Israel gui ah ami ng’vai gui naw düm ah ami bi cu nah mu ne ang? Ngami ami van naw akhan kyong ah be ciah agup gui cu khawihnah ci gui. Ngami naw ng’huuk ne ami pyen cu, “Bawipa naw kä nah mu gui ci! Ani naw mi khopäng cu nawng ci nei.”


Bawipa naw na bi phung cu hmuk ci nei, na hteh nak päng ah ning ngäng ci nei.


Kami ga gui naw mei awn m’khih u ne, tupit ci gui ne; Na m’lungshe nak awn teng ne yuk m’di gui ä!


Nang naw shin ah mäih gui bik ci sei, kei naw a i kä ka pyen ci. Cun ah kyasei kei cu nang ah mäih ah ka kyak ciah na ngai ci. Cun ung phi tuhbäi nang cu ka ning züi m’cäi ci.


Ani naw chang ah kho m’khan pang cu ngäng ne teng ci.


ani ah cuun ngaih nak cu katnak ah a kyak ah a kyak ung ani naw a douthak vai ah kä kheihlik ciah me akhla cu a law püi vai.


ani ah cuun ngaih nak cu katnak ah a kyak ah a kyak ung ani naw a douthak vai ah kä kheihlik ciah me akhik cu a law püi vai.


Ka hma hngaw law ung na hmuh vai ah na na teng ci, cun ung vah ka hma ngaih nak pek cu na maa na hlawt khai.


Bawipa naw ami katnak cu angtäi ah shüm pe gui sä, cun ung phi ami mät läi cu m’hni gui yüm yüm sä!


Nang cu aktung pikbäih ah satpia awn na ng’si ung phi, nang ah katnak cu dang sei ka hmuk ci nei.


Swiv nou:

Piblisite


Piblisite