SAM 90:5 - Cho Bible Common Language 2016

⁵ Nang naw tui k’hlaw ah mäih ah na na hteh püi ci; Keimi cu ng’mang amaih ah mäih ah kami kyak ci. Keimi cu kho ngawi hta ah ng’tawn ne däm ciah khu m’ghaw ah mäih ah kami kyak ci,

SAM 90:5 Referans Kwoze

ISAIAH 40:6

M’lau ciah k’aw tumat naw, “Ng’thu ng’shäu vä!” ci sei, “A i ng’thu ka ng’shäu vai ang?” cine ng’shi ung. “Shäu vä, hnicim chang avan cu m’ghaw ah mäih ah kyak ci nei; Ngami cu bung hmu ah cheipai ah mäih ah akshou kä om khai gui.

1 PETER 1:24

Cacim theing naw, “Hnicim chang avan cu khuktaa ah mäih lawk ci, Ami bämang nak avan cu papai ah mäih lawk ci. Khuktaa cu chawng ne si thei ci, a pai cun phi thuum ne kiawi thei ci.

SAM 73:20

Ngami cu kho ngawi ah maih ah ciah ng’mang ah mäih kyak ci gui nei; Bawipa, nang na thawh law ung ngami cu ng’kawn ci gui nei.

JOB 22:16

Ngami ami khin kä ah gawk law pha ung tui k’law naw m’si ne phet gui ci nei.

JOB 20:8

Ani cu mü ah muimang ah mäih ah akholä ah kyak khai nei, a u naw ani kä hmu ba khai nei.

JOB 9:26

Ka ghin kho hnüüp gui cu gai pi bäih ciah htinpaw ah mäih la, m’hmu naw vi a lawh law ung a yawng phäi law ah mäih ah dawng ci.

JOB 4:20

Chang cu khongnawi täng ung ghing ci, cun ung phi kä ngaih-tüh ah mühun täng ung shi thei ci.

ISAIAH 38:12

Kei ah ghin nak cu tukpit ah kya ne ng’pyi ci nei, phyeet ah k’pyu ah mäih ah, Tah lm ung ka ah pit ah tahsa ah mäih ah, khanpughi naw ka ghin nak cu ng’pyi sak ciah ka ngai ci nei.

ISAIAH 38:13

Amü pum yaica ne ka kyap ci nei, phongkawng naw ka guh na k’cheiuh ciah mäih ah kyak ci nei. Khanpughi naw ka ghin nak cu ng’pyi sak tiah ka ngai ci nei.

ISAIAH 40:7

Bawipa naw ami khan ah kho akhi law sak ah a kyak ung, m’ghaw gui cu chawng na, cheipai gui cu ng’yai khai nei. Chang gui cu m’ghaw ah mä kä näng tuba hning ci gui nei.