SAM 90:16 - Cho Bible Common Language 2016

¹⁶ Bä ciah na hnün thawh nak cu na changshäm gui am na hmuh sak gui ne, chün ciah na m’gäi nak cu kami hta ng’shon am hmuh sak gui ä.

SAM 90:16 Referans Kwoze

HABAKKUK 3:2

O Bawipa, na bi cu ng’ya ne, kei cu kyih aa nak awn ka be ci nei, tuhbäi bi law ba ä keimi ah khin ung, dämduh ciah hnünthawh na bilawh man cu. Na m’lungshe ung phi na chimgein gui ä.

SAM 44:1

O Khanpughi, Cau pui pui ak küikyang na bi lawh gui ah mawng cu kami pupa gui naw pyen u sei, kami hnga awn kami ng’yak ci nei:

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

SAM 92:4

O Bawipa, m’gäi ciah na hnünthawh nak naw, na yei sak ci; Na bi gui ah hmawk ah yei ne ng’äi ka m’cu ci.

SAM 77:12

Na bi pyi gui avan cu ka ngaih-tüh ba khai nei; küikyang ciah na hnün thawh gui cu tüüp ne ka ngai khai nei.

JOSHUA 23:14

“Tuhbäi kei ka sih nak vai ah akhin gawk lawk ci nei. Nangmi chang päng naw am lung kyong, a ngaih kyong ung nami hmat ci, Bawipa nami Khanpughi naw a shaitak ah mäih ah akni phung avan ning pe gui pyi ci. Ani naw a shaitak phung cu pang kheng geng ci, tumat phi kä yu kyak ci.

THULÄÄN NAK 1:39

“Cun kawn ah Bawipa naw mi van am, ‘Nami htanau gui akni ak kaa ng’thumcha vai ah hmaw aih ci gui cu cun ah khaw ung lut khai gui. Nangmi naw nami pyen ah ak hmaw gui cu nami ga gui naw pha gui khai gui. Kei naw ngami am khaw cu ka pe gui khai, ngami naw khäm khai gui.