SAM 9:9 - Cho Bible Common Language 2016

⁹ Bawipa cu dukdeiu nak gah ci gui ah ng’yii nak, gein vai yah ung ng’pha nak ah kyak ci.

SAM 9:9 Referans Kwoze

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

NAHUM 1:7

Bawipa cu nik ci; Khüikha nak a gawk law ung A chang gui cu shungshet gui ci, Ani täng ah ng’hlat lawk ci gui cu, ani naw m’htei gui ci.

SAM 32:7

Nang cu ka ng’thuh nak ah na kyak ci; Nang naw khüikhai nak ung na na hun khai; Na hun nak ah mawng m’lau ne ng’äi ka m’cu khai, cun cu na na shungvong ah hmawk ah kyak ci.

SAM 46:1

Khanpughi cu mi ng’zi nak la mi thagui ah kyak ci. Mi geinvai law ung na m’htei gui ge khai ah om ci.

SAM 62:8

Ka chang gui, ang täi sei, Khanpughi ngaih u vä. Nami khüikha nak avan m’thein vä, Ani cu mi ng’yii nak ah kyak ci.

SAM 37:39

Ng’düng ciah chang cu Bawipa naw hun ne, khüikha nak ung phi shung vong ci.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

LUKA 13:34

“Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

ISAIAH 8:14

Kyihcat vai ah ka theingciim nak ah hmawk ah kei cu chang gui naw ng’vawn ne ami ng’täät nak ah lung awn ka tang ci; kei cu cun ah ka kyak ci, acun naw Judah la Israel uknak khaw ung chang gui la Jerusalem ung chang gui cu pha gui khai.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

SAM 46:7

M’gäi ciah Bawipa cu mikmi awn atäng ah om ci; Jakob ah Khanpughi cu mi ng’zi nak ah kyak ci.

SAM 20:1

Na khüikha yah ung Bawipa naw na thu ning m’shang sä! Jakob ah Khanpughi naw ning m’htei sä!

THULÄÄN NAK 33:27

Khanpughi cu angtäi sei nangmi ah ng’shung nak ah kyak ci. Ani ah ng’täi ciah a kut gui cu nang ah ng’khäng nak ah kyak ci. Ami van nami m’di gui vai ah ani naw ning m’thein gui ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

ISAIAH 32:2

Ngami tumat ci cu, khokhi ung ng’shung nak, puikhokhi ung ng’thuh nak ah hmun ah kyak khai gui nei. Ngami cu khong gau kho ung long tui ah mäih, ng’kiangma kho ung om ciah lung k’pou nu ah ang hnim ah mäih ah kyak khai gui nei.

SAM 108:12

Ga m’khüt nak vai ah na m’htei gui ä; hnicim chang ah m’hteihtang cu a kholä nei.

SAM 142:4

Ka pei yum ah ka teng ung, kei na m’htei khai kä ka hmuk ci, na shungvong ci a u kä om ci.

SAM 48:3

Cun ah mang gaw ah chaam kyong ah ani awn om ung phyawn nak om ci, cicu Khanpughi naw m’dang ci nei.

1 SHONTÄP NAK 16:33

Bawipa naw khomdek uk khai ah a law ung bung ah om ciah sing ghing gui cu yei ne m’lau khai gui nei.

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

SAM 67:5

O Khanpughi, chang gui naw ning m’taam u sä, chang avan naw ning m’taam u sä!

SAM 96:10

Chang pakhui van ah ma ah, “Bawipa cu ghangpughang nei! cine pyen vä. Khomdek cu a hmun ung khäng ne kä ng’nawn hlawt ci nei; Ani naw chang gui cu düng nak awn m’khoi m’chak khai nei.”

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.