SAM 9:16 - Cho Bible Common Language 2016

¹⁶ Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

SAM 9:16 Referans Kwoze

PHYAWN NAK 7:5

Kei naw ngami hnungtuk püi gui ne, ka kut shäng ne, ami khaw ungka Israel chang gui ka hteh püi ba gui ung, kei cu Bawipa ah ka kyak ciah Egypt chang gui naw na hmat lawk khai gui.

ISAIAH 8:15

Chang akda cu ng’vawn khai gui; ng’tääk ne kyu u ne, ng’pyäuh khai gui. Ngami cu cun ung gawk khai gui.”

NG'THU K'THUUK~ 12:13

Chang shekha cu amät ah ng’thu naw mät pha ba ci. Cun ung phi düng ciah chang cu khüikha nak phyawn nak ci.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

PHYAWN NAK 14:4

Kei naw ani ka ling sak khai, ghangpughang la a gakap gui ah khan ah ka näng nak naw na m’taam khai. Cun ung Egypt chang gui naw kei cu Bawipa ah na hmat khai gui” ci sei, a pyen nak gui ah mäih ah Israel gui naw bik ci gui.

NG'THU K'THUUK~ 6:2

Cun ung nang cu na mät ah ng’thu naw a ning pha, na mät ah shaitak ung na awk ciah kyak ci.

SAM 48:11

Zion chang gui cu yeikyai u sä! Nang naw düng ciah m’khoichaa nak na pek ci; Judah mang gaw gui ung yeikyai nak om sä!

SAM 19:14

Ka thu la ka m’lung ngaih cu nang ah dou thei vai ah kya sä, O Bawipa ka ng’yii nak la ka Hunbawi!

SAM 11:6

Ani naw meikcak ang’ai la k’sam mei däi cu changshe gui ah khan ah yuk chah ci; Khokhi ng’hüüt naw ngami cu m’kyuk gui ci.

SAM 5:1

Ka ng’thu cu na ngaih pe ä, O Bawipa, Ka ng’hui cu na ng’yak pe ä.

2 GHANGPUGHANG GUI 19:19

Tuhbäi, Bawipa mi khanpughi naw, Assirian gui ah kut ungka na gung gui ci nei. Cun ah kyasei khaw ah ka ung chang pakhui avan naw O Bawipa, nang bäng Khanpughi ah na kyak ciah hmat ci nei.

1 SAMUEL 17:46

Shin ah hnüüp ung Bawipa naw nang cu kei ah ka huham kyong ung ning tha ci nei; kei naw nang cu ning hnim ne, na lu ka ning täng khai nei. Kei naw Philistin gakap gui ah pumsa gui cu kha gui la khisa gui am ka vuh khai nei. Cun kawn ah khaw ah khan ung chang van naw Israel gui ah Khanpughi om ci, cicu hmat khai gui,

PHYAWN NAK 14:31

Bawipa naw m’gäi ciah a huham awn Egypt gui a hnim gui cu Israel gui naw hmu u neta, kyi u ne Bawipa ung ng’düi ci gui. Bawipa cu yum ci gui, ak chang Moses phi yum ci gui.

PHYAWN NAK 14:10

Israel gui naw ghangpughang la a gakap gui naw tu gui khai gui ah ami k’pha law gui cu hmu u neta, kyikyawk u ne, Bawipa naw am htei gui vai ah kyap m’lau ci gui.

ISAIAH 28:13

Cun ah kyasei Bawipa naw ca ng’lung päng, ca kiawngpäng, amawng päng a ning m’thei thang gui ah kyak ci nei. Cun ah kyasei nangmi cu nami m’khan päng ung nami ng’täng khai nei. Nangmi cu nami leim khai, cun ung nami awk khai, thawng ung nami kium khai nei.

SAM 140:9

Ka ga gui cu kä näng sak en gui ä; kei ah khan ah akshe ami bi cu ami mät ah khan ah kya ba sä.

SAM 92:3

gui awn pyan ah tum khawn la ak aw nik ciah tingtäng tum ne ning m’taam cu bä aih ci nei.

JOB 18:9

Ani ah kho pha cu cuun naw khit ne k’pang ci.

SAM 7:16

Ami mät ah shetkat nak cu ami mät ah lu khan ah ng’taih ba ci, ami kat nak, a mi mät ah khan gawk ba ci.

DANIEL 6:25

Cun kawn ghangpughang Darius naw ca gu ne, changpakhui gui, pahta gui, pa ng’tän gui avan am pe gui ci. “Ning yavaih gui nei!