SAM 9:14 - Cho Bible Common Language 2016

¹⁴ Cun ung kei cu Jerusalem chang gui ah ma ah ng’düi ne, Nang ka ning zeinak ah mawng avan cu ngami am ka m’thein gui khai nei. Nang naw na na hun ah hmawk ah ka yei kyai khai nei.

SAM 9:14 Referans Kwoze

SAM 13:5

Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.

SAM 106:2

Küikyang ciah abi gui avan cu a u naw pyen hning khai aw? A u naw bä khai ah m’taam hning khai aw?

SAM 51:12

Na hun nak ungka lawk ciah yeikyai nak cu na be tu ba ä, ka ning läk nak vai ah na ng’yak hlü ah na pyang ä.

SAM 35:9

Cun kawn ah Bawipa ah hmawk ah ka yei khai nei; Ana hun ah hmawk ah ka yei kiai khai nei.

SAM 20:5

Nang ah na näng ah hmawk ah keimi yei ne kami m’lau khai, mi Khanpughi m’hlüngtai ne, na m’khütnäng nak kami pawi khai. Na ng’zoih phung cu Bawipa naw ning pe sä.

ISAIAH 37:22

Bawipa naw pyen ci, “Sennacherib aw, Jerusalem mang gaw naw ning gaih tuk ci nei, ning päipih ci nei.

SAM 21:1

O Bawipa, nang naw thagui pek ci sei, ghangpughang cu yeikyai ci nei; Nang naw näng sak ci sei ani cu lünlawi ci nei.

1 SAMUEL 2:1

Hannah taigü ci; “Bawipa naw ka m’lung cu yei nak awn be sak ci; Ani ah bi ah phäh ah ka yeikyai aih ci nei! Ka gaa gui cu ka gaih tu gui ci; Ka yei aih ci nei, Khanpughi naw na m’htei sei!

LUKA 1:47

Khanpughi Hunbawi hmawk ah ka mümcha yeikyai ci,

HABAKKUK 3:18

Kei cu ka yeikyai lä khai nei, a i ah kyasei ci ung Bawipa Khanpughi cu ka Hunbawi ah kyak ci.

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

ISAIAH 62:11

Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”

ISAIAH 12:3

Tuigei naw tui gha ci a yei sak ah mäih ah, khanpughi naw a chang gui cu hun gui sei, yeikyai ci gui nei.”

SAM 79:13

Kemi na na chang gui, na htome bum gui naw, ang’täi sei ning yei na u ne, ngawi yä kami ning m’hlüngtai khai nei.

SAM 51:15

Bawipa, ka ng’thu thei vai ah na m’thei ä, ka ning m’taam khai nei.

SAM 42:4

Yan ä ka gui ka shüm ba ung ka m’lung so ci nei, Kei cu chang hli awn atäng ah Khanpughi ah im ah ka hteh yah ung, ami m’hni ah hteh sak gui yeikyai ciah chang hli naw ng’äi m’cu ne, m’lau ne, Khanpughi m’tam ci gui nei.

SAM 35:18

Na chang gui ah ng’bum nak ung ka ning m’hlüngtai khai nei; chang van ah ma ah ka ning m’taam khai nei.

SAM 22:25

Kei naw chang hli ah ng’lung ah nang cu ning m’taam ne; Ning khawihnah ci gui ah ma ah ka shaitak ah mäih ah ka ning pek khai.

SAM 22:22

Nang ah bi ah mawng cu ka chang gui-am ka m’thein gui khai nei; Ngami ah ng’bum nak ung ka ning m’taam khai nei.

PHYAWN NAK 3:7

Cun kawn ah Bawipa naw, “Egypt khaw ah kaa chang gui a i hlawk ah ami shedam nak gui cu ka hmuk ci nei. Khleihtein shäm ci gui ah kut ungka gun gui vai ah ami kyah m’lau cu ka ng’yak ci nei, ngami ah geinvai avan ka hmuk ci nei.

PHYAWN NAK 3:9

Ka chang gui ah kyah cu akcang ah ka ng’yak ci, Egypt chang gui naw a i hlawk ah ami shedam nak gui phi ka hmuk ci.

SAM 6:3

Ka pumsa avan cu yaica ci nei. O Bawipa, kei na na m’htei nak vai, a i güt lüng khai ang?

SAM 75:9

Cun ung phi kei cu kä ng’düm ne, Jakob ah Khanpughi cu ng’thu püi ne ng’äi ne kam hlüng tai khai.