SAM 9:13 - Cho Bible Common Language 2016

¹³ O Bawipa, na chimgein ä! Ka ga gui naw nak shekha na u sei, ka geinvai cu na teng ä! O Bawipa, sih nak ung nak phyawn ä!

SAM 9:13 Referans Kwoze

SAM 86:13

Kei ah phäh ah ng’täi ciah na nam hni nak cu a i hlawk ah dämduh ci ang? Nang naw ng’cim hmun mät ungka na na hun ci nei.

SAM 30:3

ng’cim hmun ungka na na gung ci. Kei cu m’htei kho bü ne ka hteit ci, cun ung phi ka ghin nak cu na na shum ci.

NG’ÄI KYAH 1:11

Ani ah chang gui cu ami ei vai shui ne ng’hlo ng’ei ci gui. Ngami naw ami m’küm khawh gui cu ami hnun ami m’ghin nak vai ah ei awn m’thawng ci gui. Bawipa na teng ä, ka m’lung ah natnak cu na hmuh pe ä, “ci ne mang gaw gui cu kyap ci gui.

NG’ÄI KYAH 1:9

Ani ah kä ng’gängsei nak cu ayäi ah hmuh vai kyak ci. Cun ung phi amät ah m’nü nak cu ani naw kä dang sak ci. Ani ah yung kyak nak cu kyih vai kyak ci, a u naw kä shungvong hlawt ci. Aga gui naw näng u sei, ani cu Bawipa naw ak chimgein vai ah kyap ci.

ISAIAH 38:10

Kei naw ka ngai ci, kei cu kanong sung ung, kei cu sih nak ah kho ah ka hteit vai ci nei, kei ah kahnun cukä ghing ba vai ci nei.

SAM 142:6

Na na m’htei vai ah ka kyah cu na ngai ä; Kei cu ng’zom ne ka ng’neim ci nei. Ka ga gui ah kut ung na hun ä, ngami cu gai aih ci gui nei.

SAM 119:153

Ka geinvai nak cu teng ne, na hun ä, A i ah kyasei ci ung, kei naw na thukhän cu kä ka nawng ci.

SAM 119:132

Na m’hni ah chang gui ah khan ah na bi ah mäih ah kei lam ah ng’hlat law ne na m’gein ä.

SAM 56:13

a i ah kyasei ci ung, nang naw sih nak ung na gung ne, di nak ung na na khui ba ci. Cun ah kyasei, kei cu Khanpughi ah ma, ghin ci gui ah khan ah ng’shü ciah akdei ung ka hteit ci.

SAM 51:1

O Khanpughi, na m’hni nak awn na chimgein ä. Hlüngtai ciah na m’gein nak awn ka katnak gui na phai pe ä.

SAM 38:19

Ka gaa gui cu gai u ne, tha mah ci gui; Amawng kä om ciah na gen ciah chang gui cu da ci gui nei.

SAM 25:19

Ka gaa a da aih cu na hmuh peä; a i hlawk ah ami na gen cu na hmat peä.

SAM 13:3

O Bawipa ka Khanpughi, na teng ä, na m’shang ä. Ka tha gui na be ba sak ä, kä na sih en sak ä.

NEHEMIAH 9:32

“O Khanpughi, kami Khanpughi, a i hlawk ah na dämduh ci ang! A i hlawk ah kyih vai kya ne, a i hlawk ah na huham mah ci ang! Na thukhän shaitaak cu nang naw bekhüt ne na k’pang ci nei. Asirian ghanpughang gui naw ami nak shedam nak gui ungka naw, tuhngawi güt ung, a i hlawk ah keimi kami yaica ci ang! Kami ghangpughang gui, kami ng’vai gui, kami taigü gui, prophet gui, kami pupa gui, kami chang gui avan yaica ci gui. A i hlawk ah kami yaica cu na shüm gui ä!

JOHAN 2:6

Acun ung chang gui naw, ami m’simsäi nak vai tui taang goi ci ah yu nak ah hlüng nu gui chuk om ci.

SAM 107:18

Ngami cu ei kä hnga päng ba u ne m’htei pei ung ngok ci gui.

ATÜNNAK 4:9

Bawipa naw Kain am, “Na nau Abel a hawi ang?” cine ng’shik ci. Kain naw, “Kä ka hmat ci nei, kei naw ka nau cu ka ngäng ciah kyasei ang?” cik ci.

ATÜNNAK 4:10

Khanpughi naw, “A i ah kyasei shin ah akshe na bi ang? M’dek ung long ciah na nau ah si naw phu tuk vai ah mäih ah k’aw awn na khü ci nei.

1 GHANGPUGHANG GUI 21:19

Kei Bawipa naw ka pyen cu na m’thein vai nei, “Chang ngawn neta ani ah khawcham cu na lak khai ma? Shin ah kei naw ka pyen cu na m’thein vai nei: Naboth ah si ui gui naw ami m’leih nak ah hmun bä bä ung nang ah si cu m’leik khai gui nei!”

2 GHANGPUGHANG GUI 9:26

‘Kei naw Naboth la a hta gui ami ngawn gui cu yanta ka hmuk ci nei. Kei naw a shin ah m’dek ung ka ning m’kyuk khai nei, ci nei shai ka tak ci.’ Cun ah kyasei Jehu naw yatha bawm ci am, “Joram ah pumsa cu la ne, Naboth ah khomdek ung yuk ghawt ä, cun ung Bawipa ah shaitak cu kümbe ciah kyak khai nei” cik ci.

2 SHONTÄP NAK 24:22

Ghangpughang naw Zechariah ah pa Jehoiada naw bekhüt ne bii abi kä shüm ba ah, Zechariah cu a ngawn ah kyak ci. Zechariah naw si law vai neta a pyen cu. “Nang naw a i na bi cu Bawipa naw ning hmu neta ning m’kyuk sä!”

SAM 10:12

O Bawipa, cun ah changshe gui cu m’kyuk gui ä! Geinvai ci gui cu shüm ba gui ä!

SAM 12:6

Bawipa ah a shaitak cu a ng’ciim ah kyak ci; Cun cu mei hungling ung chih vei shong ne ami m’cin ah ngui ng’siing ah mäih ah kyak ci.