SAM 9:12 - Cho Bible Common Language 2016

¹² Dukdeiu nak gah ci gui cu Khanpughi naw shüm gui ci; ngami ah ng’hui ng’pa nak cu kä m’hnih ci, ngami ah khan ah ak ka bik ci cu m’kyuk ci.

SAM 9:12 Referans Kwoze

PHYAWN NAK 3:7

Cun kawn ah Bawipa naw, “Egypt khaw ah kaa chang gui a i hlawk ah ami shedam nak gui cu ka hmuk ci nei. Khleihtein shäm ci gui ah kut ungka gun gui vai ah ami kyah m’lau cu ka ng’yak ci nei, ngami ah geinvai avan ka hmuk ci nei.

SAM 34:6

Am gein kaa ci gui naw ani cu khü u sei, m’shang gui ci; Ami khüikha nak avan cu phyawn gui ci.

THU PHLAAN 16:6

Ngami naw Khanpughi ah chang gui la purofet gui ah si cu huk sak ci gui nei, cun ah kyasei ami awk vai ah si cu na peit gui ah kyak ci nei. Ngami cu ami bi ah mäih ah gah ba ci gui ah kyak ci nei” cine a pyein cu ka ng’yak ci.

ATÜNNAK 9:5

Chang ah hnun gui m’kat cicu m’kyuk nak gah khai. Khisa naw chang am kat ah a kyak ung kei naw sih nak pe ne ka m’kyuk khai.

ISAIAH 26:21

Bawipa cu khankho a om nak ung ka, khomdek chang gui ami kmakat ah phäh ah m’kat gui khai ah kyum lawk ci nei. Khomdek khan ung m’zih ne chang ngawn nak phung cu ng’dang ling khai nei, ami ngawn ah chang cu khomdek naw kä m’zih ba khai nei.

SAM 22:24

Ani naw dukhaih cicu kä nawng ci, ami geinvai nak cu kä nawng ci; Ani naw kä ng’hlah ta gui ci, am htei gui vai ami ng’khü ung m’shan gui ci.”

SUKI GUI 10:16

Cun ah kyasei ngami naw akcho hei khanpughi gui cu nawng u ne, Bawipa cu khawihnah ci gui; cun ah kyasei, ngami ah khüikha nak cu chihna gui ci.

SAM 102:17

Ami nawng ah ak chang gui cu ngai gui ne, ami taigü cu ngaih pe gui khai.

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

2 GHANGPUGHANG GUI 24:4

aktung pi ah ani naw chang ni gui avan a ngawn gui ah phäh ah kyak ci. Cun ah phäh ah Bawipa naw Manasseh cu kä m’geinsei ci.

PHYAWN NAK 3:9

Ka chang gui ah kyah cu akcang ah ka ng’yak ci, Egypt chang gui naw a i hlawk ah ami shedam nak gui phi ka hmuk ci.

MATTHE 23:35

Cun ah kyasei katnak kä bik ci gui ah Abel ung tün na, pum im la mamgkiang ah ng’lak ung nami ngawn ah Berachiah ah hta Zachariah ung khüt khai ah, nami ngawn gui ah hmawk ah shetkat nak nami gah khai.

SAM 68:17

Tämkäp ah däm ciah m’gäi ng’se gui awn Bawipa cu Sinai ah ka theing ciim ciah hmun ah lawk ci nei.

SAM 74:2

Na chang gui shüm ba gui ä, a cau na mät naw na ghü gui ah kyak ci, changshäm ungka na mät ah pakhui ah na law püi ba gui ah kyak ci. Zion m’htung cu shüm ba ä, a cau na om nak te ah kyak ci.

SAM 76:3

A cu ah ga gui ah m’la cu khep ne, ami shawi, ami chim, li htei avan cu m’di ci.

SAM 132:13

Bawipa naw Zion manggaw cu ghü pyi ci; Ani naw cun cu a im ah pyang hlük ci:

ISAIAH 8:18

Shin ung kei cu Bawipa naw ana pek ah ak hmaw gui awn atäng ah ka om ci nei. M’gäi ciah Bawipa, Zien m’htung ung among kyang om ci naw, Israel chang gui am, ghing ciah thu.