SAM 9:1 - Cho Bible Common Language 2016

¹ Ka m’lungkyong avan awn ka ning m’hlüngtai khai nei, Bawipa, Cäicat vai nabi gui avan cu ka pyen khai nei.

SAM 9:1 Referans Kwoze

SAM 86:12

O Bawipa, ka Khanpughi, ka m’lung kyong avan awn ka ning m’taam khai nei. Na ng’ghawtai nak ah mawng cu angtäi sei ka ng’shäu khani nei.

1 SHONTÄP NAK 16:24

Abämang nak cu chang pakhui gui ung ng’shäu vä, m’gäi ciah a hnünthawh nak cu chang van am m’thein vä.

SAM 111:1

Bawipa cu m’taam nei! Ka m’lung avan awn Bawipa cu akchang gui ah ng’bum nak ung ka m’hlüngtai khai.

SAM 26:7

M’hlüngtai nak ah ng’äi m’cu ne, cäicat vai ah na mawngma avan ka pyen ci nei.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

ISAIAH 43:21

Ngami cu kei naw ka mät ah phäh ah ka pyan ah chang gui ah kyak ci, Ngami naw kei ami na m’tam nak ng’äi m’cu khai gui!”

SAM 7:17

A ng’düng ah hmawk ah Bawipa cu ka m’hlüngtai ci, A hlüngtai säih Bawipa cu ng’ä awn ka m’taam ci.

1 SHONTÄP NAK 16:12

Nangmi Jakob ah htangshon, Khanpughi ah changshäm gui, Khanpughi naw a ghü ah Israel ah htangshon gui, Khanpughi naw am dang ah cäi aih vai gui la ani naw a pek ah ng’thumcha nak gui cu shüm ba vä.

SAM 138:1

Bawipa, ka m’lung kyong avan awn ka ning m’hlüngtai ci nei; a hei khanpughi gui ah ma ah ng’äi awn ka ning m’tam ci nei.

SAM 51:15

Bawipa, ka ng’thu thei vai ah na m’thei ä, ka ning m’taam khai nei.

LUKA 10:27

Acun ah chang naw, “Na Khanpughi na Bawipa cu, na m’lung kyong avan, na hmuhmat nak avan, na k’thagui avan la na ngaih-tüh nak avan nawn na m’hni vai; na ng’kho chang cu na mät awn m’täng ne nam hni vai” ciah om ci nei cik ci.

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

ISAIAH 60:6

Dämduh ciah kala-uk ng’nawng gui cu, Midian la Ephah khaw ah ka lawk khai gui nei. Ngami cu Sheba khaw ah ka law u ne, ghui la tui ng’ui law püi khai gui nei. Bawipa naw bi abi ah mawng thu ni cu chang gui naw pyen khai gui nei!

SAM 106:2

Küikyang ciah abi gui avan cu a u naw pyen hning khai aw? A u naw bä khai ah m’taam hning khai aw?

SAM 9:14

Cun ung kei cu Jerusalem chang gui ah ma ah ng’düi ne, Nang ka ning zeinak ah mawng avan cu ngami am ka m’thein gui khai nei. Nang naw na na hun ah hmawk ah ka yei kyai khai nei.