SAM 89:5 - Cho Bible Common Language 2016

⁵ Cäicat vai na bi gui ah mawng khankho naw ng’äi m’cu ci; Bawipa, theingcim ci gui naw na bekhüt nak ah mawng ng’äi m’cu ci gui.

SAM 89:5 Referans Kwoze

SAM 97:6

Khankho gui naw ang düng nak cu ng’shäu ci gui, changpakhui avan naw abäimang nak cu hmuk ci gui.

SAM 19:1

Thein ciim ciah khomik naw Khanpughi ah bämang nak cu dang sak ci! M’kim ciah ng’lei do naw abi lawh cu ng’dang sak ci!

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

SAM 50:6

Khan kho naw ng’shäu ne, Khanpughi cu düng ci, ani cu suki ah kyak ci, cik ci.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

2 THESSALONIAN 1:7

Nami yaica ciah nangmi gui la keimi gui ah khan ah hüiyang nak na pe gui khai. Bawipa Jesuh Khrit cu bämang ciah khanchang gui awn,

EPHESIAN 3:10

Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

JOB 5:1

Joba, ng’khü ä. Chang tumat mat naw ning m’chang khai ang, teng ä. Nang naw na ng’hlah shi vai ah khanchang na mät naw na mät ng’ä na ä,

THULÄÄN NAK 33:2

Bawipa cu Sinai m’htung ungka kyum lawk ci. Ani cu Edom khaw ah khan ah khohni ng’shü ah mäih ah lut lawk ci, paran m’htung ungka naw chang gui ah khan ah ng’shü ci. Khanchang phia phia naw a täng ah om püi ci.

1 SHONTÄP NAK 17:11

Nang na sih ung na pupa gui awn a täng ah ning phuh ne, na hta gui ungka tumat cu ghangpughang ah ka kyak sak khai, kei naw a uk nak khaw cu khüighat khai ah ka k’pang khai.

1 SHONTÄP NAK 17:12

Ani cu kei ah phäh ah Taigüim co ciah kyak khai, ani ah mangshon cu khonglän ung khäng khai ah ka pyang khai.

SAM 61:8

Cun ah kyasei angtäi sei, m’taam nak ng’äi ka ning m’cu khai, ka shaitak ah mäih ah a hnüüp tä ka ning pek khai.

SAM 89:30

“Cun ung ani ah hta ng’shon gui naw ka thumkhän kä läk u ne, ka thumkhän ah mäih ah kä ami ghin ah a kyak ung,

SAM 89:37

Cun cu khankho mik ung bekhüt ne saksi ah ng’düi ciah cha ah mäih ah khäng khai.”

SAM 132:11

Nang naw David ung bä ciah shaitak na bik ci cun ah shaitak cu nang naw kä na la ba khai: “Kei naw na hta gui ungka tumat cu ghangpughang ah ka hmoh khai, Nang ah kawn ah ani naw uk khai.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.