SAM 89:4 - Cho Bible Common Language 2016

⁴ Nangmi ah hta ng’shon cu ngawi yä ghangpughang ah kyak khai, “Nang ah hta ng’shon cu ngawi yä ka khän sak khai,” na cik ci.

SAM 89:4 Referans Kwoze

SAM 132:12

Na hta gui cu ka thukhän la ka pek gui ah thumkhän ung ami düng ah a kyak ung, ami hta gui cun phi, nang ah khui m’düng u ne, kho ng’län ung ghangpughang ah kyak khai gui.”

1 SHONTÄP NAK 22:10

Ani naw kei ah phäh ah Taigüim co khai. Ani cu kei ah hta ah kyak khai, kei cu ani ah pa ah ka kyak khai. Ani ah mangshon naw Israel cu khonglän ung uk khai” cik ci.

1 GHANGPUGHANG GUI 9:5

Kei naw napa David am ka shaitak cu ka k’pang khai, kei naw ka pyen nak cu Israel cu ani ah hta ng’shon naw angtäi sei uk khai ciah kyak ci.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

ROMAN 15:12

Cun kawn ah Isaiah naw; “Jesse ah hta ng’shon tumat cu dang lawk khai nei: Ani cu khui hei chang gui uk gui khai ah lawk khai nei, Cun ah chang gui naw ani cu ak be ah ngaih u khai gui nei,” ci ne pyein ba ci.

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

SAM 89:29

Ani ah ng’shon cu khankhomik ah mäih ah khäng khai, Ani ah hta ng’shon cu angtäi sei ghangpughang ah kyak khai.

SAM 89:1

O Bawipa, ng’täi ciah nam hni nak cu angtäi sei ng’äi ah ka m’cu khai nei; Na bekhüt nak cu angtäi sei ka ng’shäu khai nei.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

2 SAMUEL 7:29

Ka hta ng’shon gui hriham na pek vai ah ka ning thäh ci nei, cun ung ngami cu däih ne, nang ah hmai kiang nak ung yei khai gui nei. Nang, uktu Bawipa naw, na shai tak cu shin ah kyak ci, nang ah hriham cu ka hta ng’shon ung ngawi yä be khai nei” cik ci.

1 SHONTÄP NAK 28:4

Bawipa Israel Khanpughi naw kei la ka htangshon gui cu khonglän ung Israel kami uk vai ah na ghü gui ci nei. Ani naw Judah pakhui cu ami ng’vaihta vai ah ghü gui ci, Judah pakhui ungka kei ah pa ah kyonkhui mä ghü ba ci. Cun ah kyongchang avan ungka yei na neta kei cu na la ne, Israel khaw avan ung ghangpughang ah na pyang ci.

SAM 89:50

Kei, na na chang a i hlawk ah ami na shedam nak, changshe gui ah ng’plah ng’taam avan ka bäm ah mawng cu kä m’hnih en ä.

SAM 132:11

Nang naw David ung bä ciah shaitak na bik ci cun ah shaitak cu nang naw kä na la ba khai: “Kei naw na hta gui ungka tumat cu ghangpughang ah ka hmoh khai, Nang ah kawn ah ani naw uk khai.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.