SAM 89:2 - Cho Bible Common Language 2016

² Na m’hni nak cu kho ng’län ung om khai, Na bekhüt nak cu khan kho mik ah mäih ah khäng lä khai ciah ka hmat ci nei.

SAM 89:2 Referans Kwoze

SAM 36:5

Bawipa, na m’hni nak cu khankho ah khüt ne, Na bekhüt nak naw khomik pha ci nei.

LUKA 1:50

Ani m’tamkhah ci gui ah khan ah ang shon päng ung am gein nak cu dang sak ci.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

SAM 89:37

Cun cu khankho mik ung bekhüt ne saksi ah ng’düi ciah cha ah mäih ah khäng khai.”

SAM 89:5

Cäicat vai na bi gui ah mawng khankho naw ng’äi m’cu ci; Bawipa, theingcim ci gui naw na bekhüt nak ah mawng ng’äi m’cu ci gui.

NEHEMIAH 9:31

Cun ung phi na chimgein nak cu dämduh sei, nang naw kä na nawng gui ci, kä na m’di gui ci. Nang cu chihna, chimgein ciah Khanpughi ah na kyak ci!

SAM 146:6

Cun ah Khanpughi cu, khankho la khomdek ni, tuinu ni, a cun gui ung om ci gui avan cu tüisho ciah kyak ci. Ani naw angtäi sei a shaitak cu k’pang ci;

SAM 119:89

O Bawipa, na thu cu kho ng’län ung om khai nei, cun cu khankho ah angtäi ah om ci nei.

SAM 42:1

Kigang naw tui gei tuihta ging co ne a shui ah mäih ah ka ning ging co ci nei Khanpughi aw.

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

NEHEMIAH 1:5

“Bawipa, khankho Khanpughi! Nang cu na dämduh ci, keimi naw kami ning kyih aa ci. Nang ning m’hni ne na thumkhän ah mäih ah bik ci gui ah khan ah thukhän cu bekhüt ne na k’paang ci.

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

MATTHE 24:35

Khankho la khomdek a maih ung phi kei ah thu cu kä maih khai nei.

SAM 40:11

Bawipa, na na chimgein nak cu kä ng’düm khai ah ka hmat ci nei. Na m’hni nak la na düng nak naw angtäi sei, na phyawn khai nei.