SAM 87:1 - Cho Bible Common Language 2016

¹ Bawipa naw amang gaw cu khomhtung theing ah khan ah co ci,

SAM 87:1 Referans Kwoze

ISAIAH 56:7

“Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.

2 PETER 1:18

Cun yah ung keimi cu khomhtung theing ung Bawipa awn a täng ah om u ne, khan mawpi ah kaacun ah k’aw cu kami ng’yak ci.

SAM 68:16

Nami hlüngtai nak awn a i ah kyasei, Khanpughi naw a om nak vai ah a ghü ah m’htung cu nami gheet taap ang? Bawipa cu acun ung angtäi ah om khai nei!

2 SHONTÄP NAK 3:1

David Ghangpughang, Solomon ah apa naw Taigüim cawh nak vai ah hmun cu a pyan pyi ah kyak ci. Cun cu Jerusalem, Moriah Khomhtung ah David ah ma ah Bawipa ang dang cu Jebusit chang Araunah ah htang m’häi nak khlaang ah kyak ci. Ghangpughang Solomon naw cawh kyan nak cu

SAM 121:1

Kei naw kho gui ka dan ci; Kei na m’htei khai a hawi ah ka lawk khai ang?

SAM 42:1

Kigang naw tui gei tuihta ging co ne a shui ah mäih ah ka ning ging co ci nei Khanpughi aw.

SAM 78:69

A cu ah ani naw ak Taigüim co ci, cun cu khankho ah a im ah mäih ah kyak ci, cun cu khomdek ah mäih ah m’düih ne, angtäi sei khän sak ci.

SAM 122:2

Tuhbäi mikmi cu shin ung, Jerusalem m’kawt ah akyong lam ah mi ng’düi ci!

ISAIAH 14:32

Philistia ah ung ka mikmi ah law ba ciah ng’shä chang gui cu a i hawkcha ah mi shang gui khai aw! Mik mi naw mi m’thein gui vai cu, Bawipa naw Zion cu m’düih pyi ci nei, ani ah yaica ciah achang gui cu a cu ah phyawng gai u sei hmuh gui vai.