SAM 86:8 - Cho Bible Common Language 2016

⁸ O Bawipa, nang ah mäih ah Khanpughi a u kä om ci nei, nang ah bi ah mäih ah bik ci a u kä om ci nei.

SAM 86:8 Referans Kwoze

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

THULÄÄN NAK 3:24

‘Uktu Bawipa, Nang naw na bilawh vai ah dämduh ci la cäicat vai gui ah angtün nak vah, nang naw na na hmuh sak ciah kei naw ka hmat ci nei. Nang naw na bi ah mäih aküikyang gui bi hning ciah khanpughi, khankho la khomdek ung kä om ci nei.

SAM 89:6

Bawipa, khankho ah nang ah mäih tumat phi kä om ci; Nang awn täng ciah khankho chang a u kä om ci.

DANIEL 3:29

“Tuhbäi kei naw thumkhän ka bik ci, changpakhui tumat, pahta tumat, khopäng tumt cu, Shadrak, Meshak, Abedneko gui ah Khanpughi kä chang m’sui ne ng’thu a pyen ah a kyak ung, ani cu tu pit pit ne, a im cu phye ne k’bum vai nei. A shin ah ma’ih ah gung hning ciah Khanpughi a hawi kä om ci nei” cik ci.

SAM 89:8

M’gäi ciah Bawipa Khanpughi, nang ah mäih ah m’gäi ci a u kä om ci nei. O Bawipa, a mawng avan ung nang cu na bekhüt ci nei.

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

ISAIAH 40:25

Theingcim ciah khanpughi cu a u awn m’täng hning vai aw? Ani awn täng ci a u baw om ne ang?

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

ISAIAH 40:18

Khanpughi cu a u awn m’täng vai ang? Ani a i ah mäih lawk ci, ci cu, a i cha ah m’dang vai ang?

SAM 136:4

Ani bäng naw küikyang aih ciah cäi aih vai gui cu m’dang ci nei; Ani ah m’hni nak cu ng’täi ci nei.

PHYAWN NAK 8:6

Cun ah kyasei Aaron naw tui avan ah khan ah ang shopawng shäng khäta, k’u gui cu lut law u ne, khaw avan küm ci gui.

2 SHONTÄP NAK 2:4

Bawipa ka Khanpughi m’tamkhah nak vai ah kei naw Taigüim ka co ci nei. Cun cu kei la ka chang gui naw ani kami khawihnah nak vai ah theingciim ciah hmun ah kyak khai, acun ung ng’ui cicu a mühun tä, khongawi tä m’khih ne douthak nak gui, theingthap ciah m’htut akphlüt ah douthak nak la, cha k’thai alum pawi, kyiin hnüüp la a hei theingciim ciah hnüüp gui ah mäih ah Bawipa kami Khanpughi cu kami tamkhah nak ah kyak khai. Acun ah khonglän ung bi vai ah ani naw Israel gui cu thumkhän gui ci.

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

SAM 95:3

Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.

SAM 135:5

Mi Bawipa cu dämduh ciah kei naw ka hmat ci, khanpughi gui avan ah dämduh pi ci.