SAM 86:5 - Cho Bible Common Language 2016

⁵ Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

SAM 86:5 Referans Kwoze

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

PHYAWN NAK 34:6

Cun kawn ah Bawipa naw ama ung law neta am lau cu, Kei, Bawipa, Khanpughi, m’gein nak la m’hni nak awn ka be ci, kä ka m’lungshe yäi ci, dämduh ciah m’hni nak la bekhüt nak ka m’dang ci.

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

SAM 103:8

Bawipa cu chimgein nak la m’hni nak awn be ci, a yäi ah kä m’lungshe ci, ng’täi ciah m’hni nak awn be ci.

LAMKTU 2:21

Cun yah ung Khanpughi ah ng’hui neh k’tai gü ci gui cu, hun nak gah khai gui” ciah Khanpughi naw pyein ci.

SAM 145:18

Ani naw ani khü ci gui la m’lung neim nak awn khü ci gui cu k’et gui ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

SAM 25:8

A i ah kyasei ci ung Bawipa cu ng’düng ci, nik ci, Ani naw cheisho ci gui ami hteh nak vai lam m’thei gui ci.

SAM 130:7

Israel gui Bawipa ung zumhtek vä, Ani ah m’hni nak cu ng’täi ci, ani naw ak phlüt ah ning hun gui hlük ci nei.

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

DANIEL 9:9

Nang naw na chimgein ci, na geinsei ci, cun ung phi keimi naw kami ning hnungtuk püi ci.

EZEKIEL 36:37

Uktu Bawipa naw pyen ci, “Kei naw Israel gui cu ka m’htei htang gui vai ah ka k’thäh ba sak gui mä khai, kei naw ngami cu htome bum ah mäih ah ka dämda sak gui khai.

EZEKIEL 36:33

Uktu Bawipa naw pyen ci, “Kei naw nami katnak avan ungka ka ning thap sak ba gui kawn ah, kei naw nami mang gaw gui ung ka ung ka ning om ba sak gui khai, shekak ci gui ka ning cawh ba sak gui khai.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

SAM 119:68

A i hlawk ah na nik ci, a i hlawk ah na bä ci ang! Na thumkhän cu na m’thei ä.

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

SAM 69:16

Bawipa, bä ne ng’täi ciah na m’hni nak awn na m’shang ä; küikyang ciah nam gein nak awn ng’hlat law ä!

SAM 36:7

O Khanpughi, nam hni nak cu küikyang aih ci nei! Chang ah hta naw na ng’phia hnim cu yii ci gui nei.

EPHESIAN 2:4

Cun ung phi Khanpughi ah m’gein nak cu däm aih ne am hni nak cu hlüng aih khä tah,

SAM 52:1

M’gäi ciah chang shetkat nak awn a i ah kyasei na khähghah ang? Khanpughi ah bekhüt nak cu ng’lang täi ci nei.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

SAM 69:14

Ng’än ng’nai ung ka ka lut ci, na hun ä; gaa ah kut ung na gung ä, Tui thuk ung ka na khui ba ä.

SAM 103:3

Ani naw ka katnak gui avan cu na m’gein sei ne, ka nat nak gui avan cu na gai sak ci.