SAM 86:3 - Cho Bible Common Language 2016

³ Nang cu ka ning Khanpughi nei, kei cu na chimgein ä, A hnüp pum nang ah ka taigü ci nei.

SAM 86:3 Referans Kwoze

SAM 57:1

Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

SAM 88:9

Ka geinvai ah hmawk ah ka mik phi tuu ci nei. Bawipa, a hnüüp tä nang cu ning khü ne, ka kut chang ne nang ah ka taigü ci nei.

SAM 25:5

Nang düng nak ung, na ng’yak ka hlü ah om vai ah na m’thei ä, Nang cu ka Khanpughi, na na hun ci, nang ung angtäi sei ka ng’ap ci nei.

LUKA 2:37

Ani cu tuhbäi a khokum cheit-kip-lei-phli law pyi ci. Ani cu amü ak hnüüp Taigüim ah om ne ei hlawi ne taigü ci.

SAM 56:1

O Khanpughi, kei cu na m’gein ä, kei cu na tuk ci gui nei, ka gaa gui naw angtäi sei na dukdeiu nak ci gui nei.

SAM 55:17

Kho ngawi kho hnüüp, khomü ung kei cu ng’thu m’da ne ng’pa ngä sei, kei ah ka k’aw cu na ng’yak pek khai nei.

SAM 4:1

Ka taigü cu na m’shang ä, O Khanpughi, ka ng’shung nak! Khüikha nak ung ka gawk sangung na na m’htei ci. Tuhbäi kei cu na m’gein ne, ka taigü cu na ngaih pe ä.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

SAM 41:5

Ka gaa gui naw akshe ah na pyen u ne, ka sih, ka maih vai ng’ya hlü ci gui nei.

SAM 88:2

Ka taigü cu na ng’yak pe ne, na na m’htei vai ah ka ng’paa nak cu na ngaih pe ä!

SAM 88:10

Aksi gui ah hmawk ah nang naw cäi aih vai gui na m’dang khai ma? Ngami tho law ne nang ning m’taam khai gui ma?