SAM 85:8 - Cho Bible Common Language 2016

⁸ Bawipa Khanpughi ah ng’thu cu kei naw ka ngai ci nei; ani naw a chang gui, mikmi ah khan ah dim deeih nak shaitak ci nei, mi shetkat nak lam ah kä mi ng’hlat ba khai nei.

SAM 85:8 Referans Kwoze

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

HABAKKUK 2:1

Kei cu ka nayi tänghän ung kai neta, Bawipa naw a i ng’thu ana m’thein law laka ng’shi nak ah khan ah a i ah ana m’shan law ah ka ngai khai.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

ATÜNNAK 34:7

Cun yah ung Jakob ah hta gui phi bung ah kaa law ba ci gui. Shekhem naw ami bee pyei ne, Israel pakhui a yawshe nak gui cu hmat law u neta ang htei ah thüi ne m’lungshe ci gui.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

2 THESSALONIAN 3:16

Dimdeeih nak ah a phung ah kyak ciah Bawipa amät naw, akhin avan la a mawng ama avan ung dimdeeih nak ning pe gui sä. Bawipa naw nangmi nami van cu angtäi ah ning om püi gui sä.

EPHESIAN 2:17

Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

JOHAN 20:26

Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

JOHAN 8:11

Cun ah hnumi naw, “Bawipa, tumat phi kä om ba ci nei” ci ne pyein ci. Bawipa Jesuh naw, “Kei naw phi na katnak kä ka ning m’khoichaa khai, hteit baä, cun kawn ah katnak kä na bi ba vai” ci ne kiak nak ci.)

JOHAN 5:14

Cun kawn ah Bawipa Jesuh naw cun ah chang cu pum im ah hmu ba netah, “Tuhbäi na gai lawk ci, cun kawn ah hmakat nak kä na bi vai, hmakat nak na bi ba ung cun ah tä pi cicu na aut khai” ci ne kiak nak ci.

HAKKAI 2:9

Taigüim akthai cu ayan ak phyim ah ta ng’shü khang pi khai, acun ungka chang gui am bühmang nak la dimdeeih nak cu ka pe gui khai.” M’gäi ciah Bawipa naw pyen ci.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

NG'THU K'THUUK~ 25:11

Ng’htei khai ah m’dang ah ngaih-tüh nak cu ngui ung ng’lin ah ghui lawi ah mäih ah kyak ci.

SAM 50:5

Ani naw, “Bekhüt ciah ka chang gui, pek tak m’ghu tha ne thukän ci gui, kei ah law ne ng’bum law bä” cik ci.

NG'THU K'THUUK~ 27:22

Nang naw chang a gu ang a sih ü awng güt na m’ghuih ung phi, ani ah gu ang nak cu ani ungka maih khai ah kä na m’ghuih hlawt khai.

1 SAMUEL 25:25

Na bä ni, Nabala ah khan ah a i kä she bi en ä, ani cu kä chang man nei! Ani cu aming ah mäih ah akgu ang ah kyak ci nei! Saza aw, na chang gui ami law yah ung kä ka om ci.