SAM 85:4 - Cho Bible Common Language 2016

⁴ O Khanpughi, kami hunbawi, na ng’hlah law püi ba gui ä! Kami khan ah kä na yei nak cu düm sak ä!

SAM 85:4 Referans Kwoze

SAM 80:3

O Khanpughi, na law püi ba gui ä! Na chimgein nak na m’dang gui ä, keimi naw hun nak kami hmuk khai nei.

SAM 80:7

M’gäi ciah Khanpughi, na law püi ba gui ä! Na m’gein nak na m’dang gui ä, keimi naw hun nak kami hmuk khai nei!

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

NG’ÄI KYAH 5:21

Bawipa, na om nak ah na hteh püi ba gui ä, na hteh püi ba gui ä. Acau kami bämang nak man cu na m’thawh pe ba gui ä.

MALAKHI 4:6

Kei naw law ne nami khaw kä ka m’di vai ah, ani naw pa gui la ami hta gui cu kawng ät ba sak gui khai” cik ci.

SAM 80:19

M’gäi ciah Bawipa Khanpughi, na law püi ba gui ä. Na chimgein nak na m’dang gui ä, keimi naw hun nak kami hmuk khai nei.

SAM 27:1

Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.

SAM 25:2

Ka Khanpughi, nang ung ka ng’ap ci nei. Thui ng’a nak ung na k’phyawn ä; Ka gaa gui naw kä na näng en u sä!

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

JEREMIAH 31:18

“Israel chang gui ayä neta ami pyen cu ka ng’yak ci, ‘BAWIPA, keimi cu sei k’zäng ah mäih ah kami om ci nei, cun ung phi nang naw na bet ng’yak vai ah na na m’thei gui ci. Nang ah ng’hlat law ba vai ah kami pawng püi ci kya sei; na ng’hlah ba püi gui ä. Bawipa, kami Khanpughi.

JOHAN 4:22

Nangmi Samaritan chang gui naw, a u nami khawihnah kä nami hmat ci, keimi Jew chang gui naw a u kami khawihnah cu kami hmat ci; a i ah kyasei ci ung hun phiawn nak cu Jew chang gui ung kaa, gawk lawk ciah kyak ci.

ISAIAH 10:25

Nangmi ka ning m’kyuk nak gui ang pyi hta vai am, kei naw ngami cu ka m’di gui khai.

SAM 78:38

Cun ung phi Khanpughi naw akchang gui cu, chimgein gui ci. Ani naw ami katnak m’gein gui ci, kä m’di gui ci. Ani cu akda vei am lung üüp ci, am lung she nak cu m’cäi ba ci.

JOSHUA 7:26

Ngami naw ani ah khan ah lung akdäm ah pum ci gui, cun cu tuih güt acun ung om ci. Cun ah klia sei cun ah hmun cu tu ä khükha khaw nawi ah sui ci gui. Cun kawn ah Bawipa cu kä m’lungshe ba ci.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

HOSEA 11:9

Kei naw ka m’lungshe nak awn kä ka ning m’kyuk gui khai. Kei naw Israel gui cu kä ka m’di ba gui khai. Kei cu Khanpughi ah ka kyak ci, chang ah kä ka kyak ci. Kei, theingcim ci naw ka ning om püi gui ci. Kei naw m’lungshe nak awn nangmi ah kä ka law ba khai.