SAM 84:9 - Cho Bible Common Language 2016

⁹ O Khanpughi, na ghü ah ghangpughang, kami ghangpughang cu hriham pe ä.

SAM 84:9 Referans Kwoze

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

SAM 132:17

Shin ung David ah hta ng’shon ung ka, tumat cu ghangpughang mang ah ka k’hmoh khai; ka ghü ah ghangpughang ah uk nak cu ka pyan pek khai.

SAM 98:1

Bawipa ah ma ah ng’äi thai m’cu vä; Ani naw cäicat vai gui bi pyi ci nei! Amät ah huham la ng’cim ciah thagui awn, ani naw näng nak hmuh pyi ci nei.

SAM 89:20

Kei naw ka changshäm David cu ghangpughang ah hmoh ne, ng’cim ciah situi awn ka phyuh theh ci.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

SAM 59:11

O Khanpughi kä ngawn-en gui ä, cun ung ka chang gui naw m’hnih khai gui nei. Na thagui awn ng’pyek ng’pai sak gui ne hnim gui ä, O Bawipa, kami ng’yii nak.

SAM 3:3

Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

2 SHONTÄP NAK 6:42

Bawipa Khanpughi, na ghü ah ghangpughang cu kä hnungtuk püi en ä. Na changshäm David ah khan ah na m’hni nak cu shüm ba ä.”

2 SAMUEL 23:1

Jesse ah htapa David cu Khanpughi naw a dämduh sak ah chang ah kyak ci, ani cu Jakob ah Khanpughi naw ghangpughang ah a ghü ah kyak ci, ani cu Israel chang gui ah phäh ah ng’äi k’kiom gui pyang ciah kyak ci. Shin gui cu David ah ak hnu ah angthu gui:

1 SAMUEL 16:6

Ami gawk law ung Samuel naw Jesse ah hta Eliab cu hmu neta amät ng’htau ne, “Shin ah chang, shin ung düi ci, Bawipa ah ma ah ka shih, Ani naw a ghü ah ng’khän ci nei” cik ci.

1 SAMUEL 2:10

Bawipa ah gaa gui cu dishum khai gui; Ani naw khan ah ka naw hmun kyeek awn hnu ng’tuk püi gui khai. Bawipa naw khaw ng’lei avan m’khoi chak khai; ani naw a ghangpughang huham pek khai, ani naw a ghü ah ghangpughang cu näng m’khüt sak khai.”

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

SAM 17:1

O Bawipa, düng ci lam ah om ne, ka ng’hui cu na ngaih peä; Ka kyah nak cu na dou pe ne, na m’htei ä! Düngnak awn ka taigü cu na ngaih peä.