SAM 84:7 - Cho Bible Common Language 2016

⁷ Ngami cu gai law pi pi ne hteit ci gui; Ngami naw Zion mang gaw ung khanpughi gui ah Khanpughi cu hmuk khai gui nei.

SAM 84:7 Referans Kwoze

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

SAM 43:3

Na k’dei la na düng nak cu yuk chah law ä; A cun gui naw na khomhtung theing Zion la na om nak ah Taigüim cu na m’shüm ne, na hteh püi ba khai gui nei.

THULÄÄN NAK 16:16

“Nami pakhui khaw ung chang avan cu Bawipa khawihnah vai ah khawihnah nak ah hmun tumat ung kum ät ung thum vei nami law vai nei. Cun gui cu Phyawn nak Pawi, Geit Khäm Pawi la Ng’yii nak Pawi ah kyak ci. A chang sing naw m’cümhnah nak tumat ci a law püi vai.

JOHAN 14:3

Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.

JOHAN 1:16

Ani cu m’geinsei nak awn kümbe ne, chang van tumat täi-am m’shumphyuk nak na pe gui ci.

SAM 42:2

Ghing ciah Khanpughi, nang cu tui ah gha ne ka ning ging co ci nei. A i yah ung na ma ah hteit ne, ka ning khawihnah hlawt khai aw?

JOHAN 15:2

Kei ung kä m’thein ciah ang ban phung cu tupit ne ghawt ne, m’theih ciah ang ban cu am theih law pi vai ah pyang m’tham ci.

JEREMIAH 31:6

Ngäng ciah Chang gui naw Ephraim m’htung ung om ne, “BAWIPA, mi khanpughi ah, Zion m’htung ah mi hang kai nei” cine ng’khü khai gui nei.”

1 THESSALONIAN 4:17

Cun ah akhin ung ghing ne ana om ciah mikmi cu tho ba ci gui awn atäng ah Bawipa hmuh vai ah khomei bawk awn m’hleim ne khankho mik ung na kai püi gui khai. Cun ung mikmi cu angtäi sei Bawipa awn mi om khai.

JOHAN 6:39

Na tüi lawk ciah ang yak hlü cu, amät ah na ap ah chang gui di maih nak ung kä gawk khai gui ah, akhnu hnüüp ung sihnak ung kaa ka thawh ba sak gui vai ah kyak ci.

ZEKHARIAH 14:16

Jerusalem tu lawk ciah pakhui ungka, k’pawih ba ci gui ami van cu a kum tä sei law ne, Hlüngtai ciah Bawipa cu ghangpughang ah khawihnah u ne, ng’yii nak ah mang ei pawi cu bik khai gui.

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”

LUKA 2:24

müm kha hnih la cholung hnih phi Khanpughi-am pe ne nami taigü vai” ciah om ci kyasei, acun ah taigü ci gui.

SAM 122:2

Tuhbäi mikmi cu shin ung, Jerusalem m’kawt ah akyong lam ah mi ng’düi ci!

ISAIAH 58:11

Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.

EZEKIEL 34:26

“Kei naw ngami cu hriham pe gui ne ka khomhtung theing ah angveing ung ka om sak gui khai. Khotui ami ng’yak hlü yah ung kei naw khaw aa sak ne hriham ka pe gui khai.