SAM 84:5 - Cho Bible Common Language 2016

⁵ Nang ung thamah ci gui cu yeikyai aih ci gui nei, Ngami cu Zion m’htung ah hteh vai ah khüighat ci gui nei.

SAM 84:5 Referans Kwoze

2 KORIN 12:9

Cun ung phi ani ah nam shan nak cu, “Nang nak tha a ken yah ung kei ah hlüngtai nak cu, ak kuikyang pi ah kyak ci, cun ah kyasei kei ah m’gein nak bäng cu nang ung hlü ciah kyak ci” ciah kyak ci. Cun ah kyasei kei cu Bawi Khrit ah hlüngtai nak ung ka ng’yii nak vai ah, kak tha a ken ah hmawk ah, yeikyai aih ne ka khäghah ci nei.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

MIKHAH 4:2

ami chang gui naw, “Bawipa ah khomhtung ah mi hteit khai nei, Israel gui ah Khanpughi ah Taigü im ah. Ani naw mi bi vai angyak hlü cu na m’thei gui khai nei. Mikmi cu ani naw a ghü ah lam ung mi hteit khai nei. Bawipa ah m’thei nak cu Jerusalem ungka lawk ci, Zion ungka naw a chang gui cu ng’thu püi gui ci.”

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

SAM 55:14

Mikmi cu kä m’zih thuh ne ng’thu htau ne, pum im ung atäng ah hteit ne mi khawihnah ciah kyak ci.

SAM 42:4

Yan ä ka gui ka shüm ba ung ka m’lung so ci nei, Kei cu chang hli awn atäng ah Khanpughi ah im ah ka hteh yah ung, ami m’hni ah hteh sak gui yeikyai ciah chang hli naw ng’äi m’cu ne, m’lau ne, Khanpughi m’tam ci gui nei.

JEREMIAH 31:6

Ngäng ciah Chang gui naw Ephraim m’htung ung om ne, “BAWIPA, mi khanpughi ah, Zion m’htung ah mi hang kai nei” cine ng’khü khai gui nei.”

ISAIAH 26:9

Khomü ah ka m’lungkyong avan awn ka ning ngaih-tüh ci nei; Nang naw khomdek la a chang gui na ng’thumcha law ung, ngami ami van naw, taga nak ah mawng cu ng’thei khai gui nei.

SAM 122:1

Ngami naw, “Bawipa ah im ah mi hteit khai nei” ami ci ung, kei ka yei ci.

SAM 81:1

Mi ng’yii nak ah Khanpughi ah yei ne ng’shäu vä; Jakob ah Khanpughi cu ng’äi awn m’taam vä!

ISAIAH 45:24

Ngami naw näng nak la thamah nak cu kei bäng ung hmuk ci gui ah pyen khai gui nei; Cun ung phi kei na gen ciah chang avan cu lü ng’aa nak awn yaica khai gui nei.

SAM 65:5

Nang naw näng nak na pe gui ne, na na m’shang gui ci, cäicat vai bi ne na na hun gui ci. M’dek khan ah om ciah chang avan la tui ah m’cha nak ah om ci gui naw phi ning ngaih u ci gui nei.

SAM 134:1

Law vä, Bawipa cu m’tam vä, mü m’than ung a Pum im ung akhuut bik ciah a changshäm gui naw m’tam vä.