SAM 83:7 - Cho Bible Common Language 2016

⁷ Gebala, Ammon, Amalek la Philistia la Tire chang gui ah kyak ci.

SAM 83:7 Referans Kwoze

JOSHUA 13:5

Kebalit gui ah khaw, Lebanon avan ungka naw akiang täng, Baalkad ungka naw, cun cu htumtäng Hermon m’htung ungka naw Hamath hteng ung khüt ci.

EZEKIEL 27:9

Htinpaw co ciah chang gui cu Biblos ah ka, akni ah m’thei gui pyi ah kyak ci. Tuinu ung hteit ciah htinpaw päng ung bii k’bi gui cu, nang awn säng ung sumlei ciah kyak ci gui.

EZEKIEL 27:3

cun ah mang gaw cu tuinu ah kem eep ung om ci, cun cu tuinu kem päng ung om ciah chang gui awn sumlei nak om ci. Uktu Bawipa naw a i a pyen cu ani am m’thein ä: Tire, nang cu bäi ciah na kyom nak awn na khäh ghah ci.

AMOS 1:9

Bawipa naw, “Tire chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom khaw ah omktu ah hteh püi gui ci gui. Ami ng’khawt püi gui ung phi teihpüi ah kä ngai gui ci gui.

1 SAMUEL 15:2

Ani naw Amalek chang gui cu m’kyuk law gui khai, a i ah kyasei ci ung, ngami ah pupa gui naw Israel chang gui cu Egypt khaw ah ka, ami law ba yah ung hnu ng’tuk püi gui ci gui.

1 SAMUEL 4:1

Cun sangung Philistin gui naw Israel gui cu tuk püi gui vai ah hteit ci gui, cun ah kyasei Israel gui naw ng’tuk püi tu ba gui vai ah pawng ci gui. Israel gui cu Ebenezer ung phung tu ne om u sei, Philistin gui cu Aphek ung om ci gui.

1 SHONTÄP NAK 5:10

Ghangpughang Saul ah akhin ung Reuben pakhui naw Hakrit gui cu tu gui ne, ng’tuk nak ung ngawn gui ne, Kilead khaw ah ak kyang lam ami khaw cu khäm ci gui.