SAM 83:14 - Cho Bible Common Language 2016

¹⁴ Bung hmu mei naw a uih ah mäih ah, mei m’lei naw a tung ah khomhtung ah mäih ah

SAM 83:14 Referans Kwoze

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

ISAIAH 9:18

Chang gui ah cheishoh nak naw hling k’cam la hling gui mei naw a uih ah mäih ah ui ci. Cun cu bung hmu mei naw ui sei meikhu a tawt ah mäih ah ui ci.

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

ISAIAH 30:33

Cau nu ge ung Assirian mang bawi meinu naw a uih nak vai ah hmun cu pyan pyi ah kyak ci. Cun cu thuuk ne, ng’shawng ci, awn ung sing akdäm ah pum ah kyak ci. Bawipa naw akdang ung meimlei m’hluh law ne, acun cu m’khih khai.

JOB 21:18

Htang gong chawng ah mäih ah khokhi naw yon man ne ang? M’vut ah mäih ah puikho khi naw yon man ne ang?

ISAIAH 17:13

Chang pakhui gui cu tuinu ah ng’güüt ah mäih ah ma lam gawk lawk ci gui. Cun ung phi khanpughi naw k’ceet gui sei, ngami cu ng’hlat u ne, khokhi naw m’htung pem ung m’vut azon ah mäih ah, küiphak naw htang kou a zon ah mäih ah kyak ci gui.