SAM 83:10 - Cho Bible Common Language 2016

¹⁰ Endora kho hmun ung nang naw tu gui ci sei, ami pumsa cu khomdek ung ng’dawn ci nei.

SAM 83:10 Referans Kwoze

ZEPHANIAH 1:17

Bawipa naw, “Kei naw natnak yuh chah law ngäsei, chang avan cu amik m’dauh ah mäih ah kyak khai gui. Ngami naw kei nah nu na ne ami kat ah phäh ah ami si cu tui ah mäih ah ng’chawt ne, ami pum cu khomdek khan ah ng’gäh ne ng’yaih khai.”

1 SAMUEL 28:7

Cun kawn ah Saul naw a bawi gui k’thäh gui ne, “Cek ciah hnumi na shui pe vä, hteit ne ka ng’shik khai” cik ci. “Endor ah tumat om ci nei” cik ci gui.

JOSHUA 17:11

Issakha la Asher ah khopäng kyong ungka Manasseh ah kaa gui cu Beth Shan la Ibleam ah kia ne, ami pei yung ah gawnu gui mah ah kyak ci. Acun ah mäih ah Dora (Tuikem ung tumat ah kyak ci), Endor, Taanach, Mekiddo, la ami pei yung ah gawnu gui mah ah kyak ci.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

2 GHANGPUGHANG GUI 9:37

K’pawih ba cicu ekk ah mäih ah ng’yaih khai, a u naw a i ah m’khoi chah ne kä hmat khai.”

SUKI GUI 4:15

Bazak naw a gakap gui awn a tuk law gui yah ung Bawipa naw Sisera la a yatha gui, ak chang gui avan cu ng’phying sak gui sei, Sesera cu yatha khan ah ka kyum law ne, a khaw awn dawng ci.

SUKI GUI 4:16

Barak naw yatha gui la gakap gui cu khuihei gui ah om nak Harosheth ung khüt ne gawt gui ci, Sisera ah gakap avan ngawn gui ci gui, chang tumat phi kä k’pawih ci.

SUKI GUI 5:21

Kishon tuinu ng’güüt ne law ne ngami cu hteh gui ci nei. Kei ka ng’phäi lawk khai, thaghat ne, ka ng’phäi lawk khai nei!

SUKI GUI 7:25

Ngami naw Midianit bawi chang hnih phak ci gui, Oreb la Zeeb; Oreb cu Oreb lung ung ngawn u ne, Zeeb cu Zeeb sapyit neen nak ung ngawn ci gui. Ngami naw Midianit gui cu gawt gäk gäk u neta, Oreb la Zeeb ah lu goi cu Jordan a kiangtäng ah gawk ciah Kideon ah om nak ah law püi ci gui.