SAM 81:5 - Cho Bible Common Language 2016

⁵ Egypt kho a tuk yah ung Israel chang gui am ani naw a pek ah kyak ci. Kei naw kä ka hmat ah ng’thu k’aw ka ng’yak cu,

SAM 81:5 Referans Kwoze

SAM 114:1

Israel chang gui naw Egypt kho ami nawng shüt sangung, Jakob ah hta ng’shon gui naw cun ah kho hei ami nawng shüt sang ung,

JEREMIAH 5:15

Israel chang gui, Bawipa naw a shou nak ah kaa changpakhui tumat cu ning tu gui khai ah law pui ci nei. Cun cu khüighat ciah pakhui phyimah kyak ci, nangmi naw ng’thu kä nami hmat ah pakhui tumat ah kya ci.

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

SAM 77:15

Jakob la Josef ah hta ng’shon na chang gui cu na huham awn na hun ci.

ISAIAH 28:11

Nangmi naw kä nami na ngaih ah a kyak ung, khanpughi naw akhawhei chang gui ah cäicat vai ah ng’thu cu mang ne, amawng tumat ning m’thei gui khai nei.

PHYAWN NAK 12:27

Nami m’thein gui vai cu, “Shin cu Bawipa m’taam ne sonhnah nak ah phyawn nak pawi ah kyak ci, a i ah kyasei ci ung Bawipa naw Egypt khaw ah Israel gui ah im cu ak phyawn nak gui ah kyak ci. Ani naw Egypt chang gui cu ngawn gui ci, mikmi cu nak phyawn gui ci” cik ci. Israel chang gui naw m’khukdong ne khawihnah ci gui.

PHYAWN NAK 12:12

“Cun ah mü ung Egypt khaw avan yäu ne ka hteit khai, chang gui la seime gui ah hta htük gui phung ka ngawn khai. Egypt gui ah khanpughi gui avan ka m’kyuk khai. Kei cu Bawipa nei.

PHYAWN NAK 11:4

Moses naw ghangpughang am, “Bawipa naw, khocawih ding ah kei naw Egypt khaw cu kaan ne ka hteit khai,

AMOS 6:6

Nang cu sapyit tui k’am ung be ci aw ne, tui ng’ui akni pi na mang ci, cun ung phi Israel ah dishum ah phäh ah kä na thüisei ci.

EZEKIEL 20:20

Kyiin hnüüp cu Theingcim ciah hnüüp ah pyang vä, cun ung cun cu mikmi ah bi ah thukhän m’hnüt nak ah kyak khai nei, cun naw kei, Bawipa nami na Khanpughi ah ka kyak cu ning shüm sak gui khai nei.

SAM 78:6

Cun ah kyasei hta ng’shon naw cun cu ng’thei u ne, ami hta hmaw gui am m’thein ba khai gui.

THULÄÄN NAK 4:45

Cun cu Egypt khaw ungka ami law kawn ah Jordan tuinu ak kiangtäng khaw nawi, Bethpeor gawnu ah akga ung ani naw shin ah thukhän gui cu a pek gui ah kyak ci. Cun cu Amorit ghangpughang Sihon ah khäm ah khopäng kyong ah kyak ci. Ani naw Heshbon gawnu ung om ne uk ci. Moses la Israel chang gui naw Egypt ah kaa ami law sang ung ami hniim ah kyak ci.

PHYAWN NAK 12:29

Khaw cawih ding ah Bawipa naw Egypt khaw ah ami htahtük gui avan cu ngawn gui ci. Mang im ung ghangpughang ah hta ung tün ne, thawng im ung thawng kyum ah hta ung khüt ci la seime gui ah ami htahtük gui phi ngawn gui yawp ci.