SAM 81:3 - Cho Bible Common Language 2016

³ Cha theei yah la cha lum yah ung, lungnu ah hmawk ah k’phyung lawi tum vä.

SAM 81:3 Referans Kwoze

2 SHONTÄP NAK 2:4

Bawipa ka Khanpughi m’tamkhah nak vai ah kei naw Taigüim ka co ci nei. Cun cu kei la ka chang gui naw ani kami khawihnah nak vai ah theingciim ciah hmun ah kyak khai, acun ung ng’ui cicu a mühun tä, khongawi tä m’khih ne douthak nak gui, theingthap ciah m’htut akphlüt ah douthak nak la, cha k’thai alum pawi, kyiin hnüüp la a hei theingciim ciah hnüüp gui ah mäih ah Bawipa kami Khanpughi cu kami tamkhah nak ah kyak khai. Acun ah khonglän ung bi vai ah ani naw Israel gui cu thumkhän gui ci.

KHEI NAK 15:3

Vantang tumat, htome m’ca tumat, htome hta tumat, kä cun ung me hta tumat cu Bawipa am pe vai, cun cu m’khih ne douthak, kä cun ung thukhän k’be nak ah khawihnah nak, kä cun ung pängye douthak nak, kä cun ung yum nak täng ah nami pawi man ah pawi ung nami douthak ah kyak ci. Shin ah ei-douthak ah ang ui cu Bawipa naw yei nak ci.

2 SHONTÄP NAK 13:14

Judean gui naw mang shüi u neta, ngami cu koi gui u sei hmuk ci gui. Ngami cu Bawipa naw amgein gui vai ah m’lau ci gui, taigü gui naw phyungheng tum ci gui.

2 SHONTÄP NAK 13:12

Khanpughi amät cu kami ng’vaihta ah kyak ci, ani ah taigü gui ci phyungheng kawt ne shin ung om ci gui, keimi naw nangmi ning tuk püi gui vai ah cun gui tum ne na khü gui ge khai ah om ci gui Israel chang gui, Bawipa cu kä nami ng’tuk püi en vai nei, ani cu nami pupa gui ah Khanpughi nei! Nangmi naw kä nami näng hlawt khai nei!”

1 SHONTÄP NAK 16:42

Heman la Jeduthun cu ng’äi m’cu ne ami m’hlüngtai yah ung phyungheng la ng’sheei gui la a hei tumkhawn nak gui ung tängpang ci gui ah kyak ci. Jeduthun ah pahta chang gui cu m’kawt ngäng nak ung tänpang ci gui ah kyak ci.

1 SHONTÄP NAK 16:6

taigü hnih, Benaiah la Jahaziela cu Thukhän M’küm ah ma ah a khin hman ah phyungheng tum ci goi.

2 GHANGPUGHANG GUI 4:23

A cei naw, “A i ah kyasei tuhngawi na hteh vai ang? Tuhngawi cu kyin hnüüp käcung cha thei pawi hnüüp ah kä kyak ci nei” cik ci. Hnumi naw, “Bäi khai nei” cik ci.

THULÄÄN NAK 16:15

Khawihnah nak ah hmun tumat ung shin ah pawi hnüüp chih ung bi ne Bawipa nami Khanpughi cu m’tamkhah vä. Yeikyai vä, Bawipa naw nami geit khäm la nami bilawh cu hriham pek ci nei.

KHEI NAK 28:11

A cha tä ah ang tün nak päng ung m’khih ne douthak nak cu Bawipa am pek vai: vantang hta hnih, htome douthak nak ah m’htut den oliv-situi awn k’caw ne douthak vai: vantang tumtumat, kum ät lüng ciah htome m’ca chih, ami van cu kä leimbai en khai.

KOLOSE 2:16

Cun ah kyasei, ei awk nak ah mawng, hnüüp theing ah mawng, chaa lum la kyin nak ah mawng gui pyein ne, a u am phi thukhän kä bi-en sak vä.

NAHUM 1:15

Teng vä, ng’shä chang cu khomhtung khanah ng’thuni awn law pyi ci nei! Judah chang gui mang yu sa ne, khanpughi am bä ciah nami shaitaak cu pe vä! Changshe gui naw nami khaw kä plawh ba khai gui. Ngami ami van cu di maih pyi ci gui nei!

NG’ÄI KYAH 2:6

Ani mi khawihnah nak ah Taigüim cu ng’phyit khai ah ani naw m’di ci. Ani naw theingcim ciah hnüüp gui la pum nak hnüüp gui cu ng’pyi sak ci. Ghangpughang la taigü naw atäng ah ani ah k’tut nak ah m’lungshe nak cu khan ci gui.

SAM 98:6

Bawipa mi ghangpughang ah ma ah k’phyung lawi, k’phyung puuk tum ne, m’lau ne yei vä.

2 SHONTÄP NAK 8:13

Ani naw m’khih ne douthak nak cu Moses ah thukhän ung lawk ciah mäih ah theingcim ciah hnüüp päng ung douthak ci: cun ah hnüüp gui cu, Kyin Hnüüp, Cha Thai Cun Pawi, Kum ät ung Thumvei bi ah pawi gui — K’caw Kä Shum ah m’htut pawi, Geit khäm pawi, ng’yii nak ah pawi.

1 SHONTÄP NAK 15:16

David naw Levit ami ng’vai gui am thumkhän pe gui ne, Levit päng naw ng’äi m’cu ne yeikyai ne k’bei ni, ng’sheei ni ami tumkhawn vai ah pyen sak gui ci.

1 SHONTÄP NAK 25:1

Ghangpughang David la Levit angvaihta gui naw khawihnah nak ung tängpang khai gui ah shin ah Levit pahta gui cu ghü ci gui: Asaph, Heman la Jeduthun. Ngami naw Khanpughi ah ng’thu ng’shäu ci gui, tumkhawn ah kyak ciah tingtäng la ng’sheei ami tum nak awn bik ci gui. Shin cu khawihnah nak ung tängpang khai ah ami ghü gui ah chang gui ah kyak ci, ami ng’bum phäh phäh naw ami bi vai ah kyak ci.

SAM 33:2

Bawipa cu tingtäng tum ne hlüngtai vä. Gui awn pyan gui tum ne, ng’äi m’cu vä.

SAM 149:3

Ng’laam ne ang ming cu m’tam vä; k’hting la k’bei tum ne Bawipa cu m’tam vä.