SAM 81:14 - Cho Bible Common Language 2016

¹⁴ Kei naw ami ga gui cu ang ghitah tu ne, ami ga avan cu ka näng khai nei.

SAM 81:14 Referans Kwoze

AMOS 1:8

Kei naw Ashdod la Ashkelon mang gaw uktu gui cu ka m’hnawn gui khai. Kei naw Akron mang gaw cu ka m’kyuk khai, ami k’pawih nak gui ah Philistin gui ami van sik khai gui.”

JOSHUA 23:13

nangmi ung ckcang ah, Bawipa nami Khanpughi naw shin ah pakhui gui cu nami ma ung kä k’täm gui khai. Cun kan vaisü ung ngami cu nangmi ah hmawk ah kyihkyawk vai ah kyak khai, m’hling, khui, nami pang ung thah mäih ah, nami mik ung ng’hling ah mäih ah kyak khai gui. Cun gui cu Bawipa nami Khanpughi naw a ning pek gui ah shin ah khaw ni ung, nangmi a u phi kä nami om ba güt ung kä ng’pyi khai nei.

KHEI NAK 14:9

Bawipa kä nami hnungtuk en püi vai, a cu ah om ciah chang gui kä nami kyih en gui vai, ayäi hta ah mikmi naw mi näng gui khai nei. Bawipa cu mikmi awn a täng ah om ci, ani naw ngami ngäng gui ciah ami khanpughi gui cu hnim gui ci. Cun ah kyasei kä nami kyih vai” cik ci goi.

KHEI NAK 14:45

A cu ah om ciah Amalek gui la Kanaan chang gui naw ngami cu tu gui u ne, hnim gui ci gui. Hormah gawnu ah khüt ne khäm law gui ci gui.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

SAM 47:3

Chang van ah gui ne; changpakhui van uk vai ah na m’düih gui ci.

THULÄÄN NAK 10:12

“Tuhbäi, Israel chang gui, Bawipa nami Khanpughi naw a i a ning thäh gui cu ngai vä. Bawipa khawihnah vä, a thumkhän avan bi vä, ani m’hni vä, nami m’lung kyong avan awn abi bi vä.

ISAIAH 48:18

“Nangmi naw kei ah thumkhän bäng nami ngaih ah a kyak vaisü ung! Hriham gui cu kä kawi hlawt ciah tui ah mäih ah nami khan ah long khai süte nei! Näng nak cun phi tuikem ah gawk lawk ciah tui hnawk ah mäih ah nangmi ung gawk lawk khai nei.