SAM 81:12 - Cho Bible Common Language 2016

¹² Cun ah kyasei ami ling nak ah hteh sak gui ne, ami ng’yak hlü ka bi sak gui ci.

SAM 81:12 Referans Kwoze

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

ROMAN 1:24

Cun ah a mawng ung Khanpughi naw cun ah chang gui cu, ami m’lung kyong ah ng’yak hlü ah ami kyak nak vai la, tumat la tumat thui hmai nak ami bi nak vai ah nawng gui ci.

ISAIAH 30:1

Bawipa naw ng’thu pyen ci, “Judah khaw uk ci gui cu ng’ziin ci gui, a i ah kyasei ci ung ngami naw kei cu na hnu ng’tuk püi ci gui. Kei ah kä pyan ah m’hnüt bäi nak cu läk ci gui, kei ah ka ng’yak hlü awn hnung’tuk ciah yum ät nak bik u ne, katnak tumat ah khan ah tumat m’taih ci gui.

LAMKTU 7:42

Cun ah kyasei Khanpughi naw ng’hlah tah gui neh, khankho ah aisi gui ah k’taigü sak gui ci. Cun ah mawng Profet gui ah ca guk cu; Israel chang gui aw, nang mi naw ‘Pya lün nu ah khaw kum phli-kip ah kyawng ung m’ghu ng’tha neh nami tumbei cu,

LAMKTU 14:16

Cau pui kho läi Khanpughi naw chang gui cu ami mät ah ng’yaak hlü ah om ih sak gui ci.

JOB 8:4

Nang ah hta nau gui naw Khanpughi hnungtuk püi ne hmakak ci gui, Cun ah kyasei ani naw ami bi ah mäih ah m’kyuk gui ci.

ATÜNNAK 6:3

Cun ah kya khäta Bawipa naw, “Chang gui am angtäi ghin nak kä ka pe ba gui khai; chang cu pumsa ah kyak ci. Tuhbäi ung tün ne chang gui cu khawkum phia la m’ku ah däm sei kä ghing khai gui” cine pyen ci.

PHYAWN NAK 11:9

Bawipa naw Moses am, “Ghangpughang naw nangni cu kä ning ngai goi ne, maa lä khai, cun cu kei naw Egypt khaw ung cäi aih vai gui däm law pi khai ah ka bi vai ah hmawk ah kyak ci.

TAIGÜTHUM 26:14

Bawipa naw, “Kei ah ka thumkhän kä nami läk ah a kyak ung, m’kyuk nak nami gah khai.

1 SAMUEL 8:19

Chang gui naw Samuel cu a i ah kä sui ci gui, ngami naw, “Ka, Ghangpughang kami ng’za

2 GHANGPUGHANG GUI 18:12

Samaria ashum cu, Israel chang gui naw ami Khanpughi Bawipa kä ami läk ah hmawk ah kyak ci, ngami naw ani naw abi püi gui ah thukhän cu m’shet u ne, Bawipa ah changshäm Moses naw a pek gui ah thukhän gui avan cu kä läk ci gui. Ngami naw kä ngai ci gui, kä läk ci gui.

NEHEMIAH 9:16

Cun ung phi kami pupa gui cu chang ah ng’shei u ne, ami m’lung ling ci. Nang ah thumkhän läk vai ah mak ci gui.

ISAIAH 30:9

Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.

ISAIAH 42:24

A u naw ang, Israel gui cu, guttep gui ci am a ap gui? Cun cu mikmi naw katnak bi ne, mi hnu ng’tuk püi ah Bawipa amät ah kyak ci nei. Ani naw mi om vai ang yak hlü ah mikmi cu kä mi om ci nei, ani ah m’thei thang gui cu kä mi läk ci nei.

JEREMIAH 42:21

Tuhbäi dei naw ka ning m’thein gui ci, cun ung pi Bawipa mi khanpughi naw na tüi sei ka ning m’thein gui nü cu kä nami läk ci.

EZEKIEL 20:8

Cun ung phi ngami naw nak chüm u ne, ami na ngaih vai ah mak ci gui. Ngami naw shemshai ciah ami gup gui cu kä ghawt ci gui, Egypt khanpughi gui cu kä chah ci gui. Ngami naw aca Egypt ah ka m’lung she nak akbe ah ka gah sak gui ge khai ah ka kyak ci nei.

HOSEA 9:17

Kei naw abii ka bi ah Khanpughi naw a chang gui cu hnungtuk gui khai. A i ah kyasei ci ung ngami naw kä ami ngaih ah phäh ah kyak ci. Ngami cu changpakhui gui ah ng’lung ah ng’vaak shüi ci gui ah kyak khai gui.