SAM 80:9 - Cho Bible Common Language 2016

⁹ Nang naw a thawh vai ah a hmun cu k’sei m’ghan ci sei, a pya thuk ne kho küm ne ng’shun ci.

SAM 80:9 Referans Kwoze

JOSHUA 24:12

Nami ma ge ung ngami cu püpiang sak gui ne, Amorit ghangpughang hnih cu kei naw ka k’täm ci. Nami khim la nami li naw cun ung a i kä bik ci.

ISAIAH 27:6

Lawk ciah hnüüp gui ung, Jakob ah hta ng’shon, Israel chang gui cu sing ah mäih ah ng’yung pya u ne, khomdek cu küm khai nei.

JEREMIAH 12:2

Nang naw geit gui ci sei, ngami ng’yung pya ci gui; ngami cu däm law ne m’theih tak lawk ci gui. Ngami naw nang ah mawng cu akni ah pyen ci gui, cun ung phi akcang ah a i ah kä ning ngai ci gui.

ISAIAH 37:31

Cun ung phi Judah ung k’pawih ci gui läi cu m’dek ung thauk sei ng’yung pya ne, m’theih pai ciah mäih ah kyak khai gui nei.

SAM 105:44

Ani naw chang khuihei gui ah khaw cu ngami am pe gui ne, ami kho hmun phi lak sak gui ci,

1 SHONTÄP NAK 21:5

Ani naw David Ghangpughang am gakap ung bii bi hning ciah chang gui khei ne am thein law ba cu: Israel ung 1,100,000, Judah ung 470,000 ah kyak ci.

1 GHANGPUGHANG GUI 4:25

Ani a ghin ah chuih Judah la Israel gui cu phyawn m’htein ne om ci gui, ami kyong khui päng cu amät ah sapyit lo, thei ghing gui phäh phäh awn om ci gui.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

2 SAMUEL 7:10

Kei naw ka chang Israel gui ah phäh ah khaw hmun ghü ne, a cu ah ka om sak gui ci, a cu ah ngami cu shedam nak kä om ba sei om khai gui. Ngami shin ah khaw ung ami luh law ung tün ne, ngami cu chang omshe gui naw tu gui ci gui, cun ung phi cun ah mäih kä om ba khai. Na ga avan ung ning gung ne, na hta ng’shon vai ka ning pek khai cine, kei naw shai ka tak ci.

SAM 44:3

Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

ISAIAH 5:2

Ani naw m’dek lei cu co ne lung gui cu ghäng ci; ani naw sapyit aknipi gui geit ci. Ani naw cun gui ngäng nak vai ah tänghän co ci, Sapyit theih neen nak vai ah khui phi co ci. Ani naw sapyit a up vai cu ging ci, cun ung phi sapyit theih cu thui yawp ci.

ISAIAH 27:2

Cun ah hnüüp ung Bawipa naw a zeinak ah sapyit dnum ah mahng thu pyen khai,

JEREMIAH 2:21

Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.