SAM 80:8 - Cho Bible Common Language 2016

⁸ Nang naw Egypt khaw ah ka sapyit shun cu law püi ne; pakhui hei gui k’täm gui neta, ami kho ung na geit ci.

SAM 80:8 Referans Kwoze

JEREMIAH 2:21

Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.

SAM 44:2

Chang hei gui cu na mät naw k’tääm gui ne, na chang gui ah ami kho cu na pyang ci Chang khuihei gui cu m’kyuk gui ne na chang gui cu na bühmang sak gui ci.

EZEKIEL 17:6

cun ah a ghing cu lim law ne, ang neim ah, ang shawng ah ghing ciah Sapyit ah kya lawk ci. Ang ban gui cu zong yung kha han pha ne ghing law u ne, ang yung gui phi thuuj lawk ci gui. Sapyit cu ang bang la a hnah gui naw küm ci.

JEREMIAH 12:10

Akhohei uktu gui akda naw kei ah sapyit lo cu m’di ci gui nei; kei ah ka lolai gui cu ngami naw cawt cap gui nei, ngami naw kei ah ka m’hni ah khaw ng’lei cu khong gau khaw ah lat ci gui nei.

LAMKTU 7:45

Kami pupa gui naw cun ah khaw-phung cu, ami pa gui ah kut ung do u neh Khanpughi naw ak täm gui ah om nak khaw ah, Joshua awn atäng ah ami tuk gui yah ung m’kawn neh hteh püi ci gui. Cun ah khaw-phung cu David ah uk yah ung khüt sei cun ah khaw ah om ci.

EZEKIEL 19:10

Nang ah nu cu tuilawng pei ah geit ah Sapyit ng’shun ah mäih ah kyak ci. A i ah kiasei ci ung a cu ah tui da ci, Sapyit cu a hnah la am theih bäng ah kyak ci.

EZEKIEL 15:6

Tuhbäi shin cu Uktu Bawipa naw a pyen nei, “Bung ah ka sapyit shun cu la ne mei awn m’khih ah mäih ah Jerusalem ung om ciah chang gui cu kei naw la gui ne,

SAM 78:55

Ani naw ami ma ah ana om ci gui cu k’täm gui ne, ami khaw cu Israel pakhui gui-am k’pai gui ne, ami im gui phi ak chang gui am pe gui ci.

JOSHUA 13:6

Cun ung Sidonian gui ah khopäng avan k’um ci. Ngami cu khogui khaw Lebanon khomhtung gui la Misrephoth Maim ah ang lak ung om ci gui. Kei naw shin ah chang gui avan cu Israel chang gui ah ma ung ka k’täm gui khai. Kei naw na bi vai ah ka ning thumkhän ah mäih ah shin ah khaw cu Israel gui am na k’pai gui vai.

SAM 31:17

Bawipa, ka ning khü ci nei; kä na lüng’a sak-en ä. Chang omshe gui cu lüng’a sak gui ä; Ngami cu sihnak ah khaw ah düm ah hteh sak gui ä.

SAM 60:3

Nang naw na chang gui cu akni ah khüikha sak gui ci nei, keimi cu awktat ne kami ng’phiui ci nei.