SAM 80:14 - Cho Bible Common Language 2016

¹⁴ M’gäi ciah Khanpughi! Keimi ah ng’hlat law ä! Khan ah om ne na yuk teng gui ä; Law ne na chang gui hun gui ä!

SAM 80:14 Referans Kwoze

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

MALAKHI 3:7

Nangmi gui phi nami pupa gui ah mäih ah ka ng’thukhän cu ng’hlah ta u ne, kä nami k’pang ci. Kei ah ng’hlat law ba vä, nangmi ah ka ng’hlat lawk khai. Cun ung phi nangmi naw, “Nang ah ng’hlah law ba vai ah a i kami bik khai ang?” nami cik ci.

ISAIAH 63:17

A i ah kyasei na lam ungka naw lam na na plei sak gui ang? A i ah kyasei nang ung ka a hei ah kami ng’hlat khai ah kami m’lung na na liu sak gui aih ang? Nang ah bi bik ci gui na ngaih nak pek gui awn, angtäi sei nang ah chang ah kyak ci gui, na ngaih nak pe gui awn, law ba ä.

SAM 90:13

Kho a i khäta na m’lungshe nak cu ng’pyi khai ang? O Bawipa, na changshäm gui cu na m’gein gui ä!

LAMKTU 15:16

Bawipa naw, “Cun kawn ah kei law ba ne, David ah uknak kho cu ka m’düng ba khai, Shekak ci phi ka co kyang ba khai,

JOEL 2:14

Bawipa nami Khanpughi naw amlung thawng ei hman khai bämang ciah geit kaw awn hriham ning pe gui khai nei. Cun ung nangmi naw htang la sapyit tui nami douthak hning khai.

NG’ÄI KYAH 3:50

Bawipa naw khankho ah ka naw ana yuk teng gui ah chuih na hmu gui ci nei.

SAM 33:13

Bawipa naw khankho ah om ne yuk teng ne, hnicim chang avan cu hmuk ci.

SAM 7:7

Cun ah kyasei, chang van naw ning k’buikhai gui ah ng’bum sak gui ne, a khan ah om ne yuk uk gui ä.