SAM 8:6 - Cho Bible Common Language 2016

⁶ Nang naw na pyantham avan uk khai ah ani cu na m’düih ci; na tüisho avan ah khan ah na om sak ci:

SAM 8:6 Referans Kwoze

ATÜNNAK 1:28

Cun kawn ah Khanpughi naw phyuhtheh goi neta, “Hta nau ne ng’shonbang ne, khomdek cu be sak ne, nami näng vai nei. Nga gui avan, kha gui avan, la khomdek khan ah hang om ci phung avan nami uk vai nei.

ATÜNNAK 1:26

Cun kawn ah Khanpughi naw, “Hniciim chang cu mi mät ah müi ah mäih ah mi tüisho khai; ngami naw nga gui ni, kha gui ni, akghing nü avan cu uk khai gui” cik ci.

HEBRU 2:8

A päng nüng nüng uk khai ah na tüi sho ah kyak ci,” ciah om ci. Cacim theing naw, “Khanpughi naw chang cu a päng nüng nüng uk khai ah a tüi nei” chang ah kä uk a i kä om ci ciah a pyein ah kyak ci. Cun ung phi chang naw avan a uk cu tuhbäi mikmi naw kä mi hmuk ci.

EPHESIAN 1:22

Khanpughi naw ang nüng nüng cu Bawi Khrit ah khaw ka ah chah ne, khrithabum ung phi avan ah chunglu Bawipa ah ngoh sak ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

ATÜNNAK 9:2

Ak ghing avan, kha avan, nga avan naw nangmi cu ning kyih gui khai nei. Cun gui avan cu nami kut ung ka ning ap gui ci.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.