SAM 8:3 - Cho Bible Common Language 2016

³ Na kut m’dawng awn na pyan ah khankho mik la na k’süm ah cha la aisi gui cu ka teng ung

SAM 8:3 Referans Kwoze

ATÜNNAK 1:1

Akhtük bäih ah Khanpughi naw khankho la khomdek cu tüisho ci.

SAM 33:6

Bawipa naw khankho cu ang thumkhän awn tüisho ci, Hni, cha, aisi gui phi ang thu awn tüisho ci.

SAM 111:2

Bawipa ah abi gui cu cäi aih vai kyak ci nei! Ani ung tuihlim ci phung naw a cun ah mawng gui cu hmuhmat hlük ci gui.

SAM 104:19

Nang naw cha k’bäi nak vai ah cha cu nei tüi sho li, hni naw a khin a gawk law cu hmat ci.

SAM 89:11

Khankho cu nang ah ka, khomdek cun phi nang ah khäm ah kyak ci. Nang naw m’dekhan la a cun ung om ci a päng avan cu na pyang tham ci.

ROMAN 1:20

Khanpughi naw shin ah khomdek khan a tüi pyan ung tün ne ani ah ng’täi ciah kä hmuh hningah hlüngtai nak la Khanpughi ah a kiak nak ah ang yung cu chang gui naw ang dang ah hmuk hmat ci gui. Cun ah ami hmuhmat cu Khanpughi ah tüi pyan gui ami hmuhmat nak awn ah kya ci. Cun ah kyasei chang gui cu ami katnak ah hmawk ah kä küi hlawt ci gui.

LUKA 11:20

Cun ung phi kei naw Khanpughi ah hlüngtai nak awn Khoshe ka k’täm ci kyasei, Khanpughi ah uknak ah kho cu nangmi ung gawk law pyi ci nei” cik ci.

PHYAWN NAK 8:19

Cee gui naw ghangpughang am, “Shin cu Khanpughi ah bi nei!” cik ci gui. Cun ung phi ghangpughang cu ling ne, Bawipa ah pyen ah mäih ah Moses la Aaron cu kä ngai goi ci.

JOB 22:12

Khanpughi cu a hlüng pikbäih ung om ciah kä kya ne ang? Ami hlüng pang ung phi aisi gui cu yuk teng gui ciah kä kya ne ang?

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

PHYAWN NAK 31:18

Sinai M’htung ah Khanpughi naw Moses ang thu püi cu ng’pyi sei, ani naw lung palap hnih cu Moses am pek ci. A cun goi ah khan ah Khanpughi amät naw, thukhän gui cu a guk ah kyak ci.

SAM 148:3

Hni la cha gui, Ani cu m’tam vä; Khang ciah aisi gui, Ani cu m’tam vä.

SAM 19:1

Thein ciim ciah khomik naw Khanpughi ah bämang nak cu dang sak ci! M’kim ciah ng’lei do naw abi lawh cu ng’dang sak ci!

JOB 25:5

Ani ah mik awn teng ung cha phi kä vai ci, aisi phi kä ci, ci nei.

JOB 25:3

Abii bik ciah khanchang gui cu a u naw khei hlawt khai ang? Khanpughi ah akdei ah kä khang nak ah hmun a hawi om khai ang?

JOB 36:24

Ani naw a bilawh ah phäh ah ak phlüt sei m’hlüng m’tai ci. Nangmi naw phi ani cu nami m’hlüngtai vai nei.