SAM 8:1 - Cho Bible Common Language 2016

¹ O Bawipa, kami Bawi, Na bäimang nak cu m’dek khan avan ung dang ci! Chang gui ah ning m’hlüngtai nak naw khomik avan küm ci!

SAM 8:1 Referans Kwoze

SAM 8:9

O Bawipa, kami Bawipa, Na dämduh nak cu khomdek khan avan ung dang ci nei!

SAM 148:13

Bawipa ah ming cu avan naw m’tam u sä! Ani ah ming cu avan ah däm pi ci nei; A bäimang nak cu khomdek la khankho ah khan ung ah khan ungom ci nei.

SAM 57:5

O Khanpughi, na dämduh nak cu khomik ung m’dang ä, na bäimang nak cu m’dek khan avan ung be sä.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

HABAKKUK 3:3

Khanpughi cu Edom khaw ah ka law ba ci nei; Khanpughi theing cu Paran m’htung ah ka kyum lawk ci nei, Ani ah hlüngtai nak naw khankho cu küm ci’ khomdek cu ani m’taam nak awn be ci nei.

SAM 145:1

Ka Khanpughi la ghangpughang, na dämduh nak ah mawng cu ka ng’shäu khai nei; kho ng’län ung ka ning m’hlüngtai khai nei.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

ISAIAH 26:13

Bawipa, kami khanpughi, keimi cu chang a hei gui naw na uk gui ci nei, cun ung phi nang bang cu kami Bawipa ah na kya ci nei.

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

SAM 81:1

Mi ng’yii nak ah Khanpughi ah yei ne ng’shäu vä; Jakob ah Khanpughi cu ng’äi awn m’taam vä!

SAM 36:5

Bawipa, na m’hni nak cu khankho ah khüt ne, Na bekhüt nak naw khomik pha ci nei.

THULÄÄN NAK 28:58

“Shin ah ca-uk ung guk ah Khanpughi ah m’theithang gui cu bekhüt ne kä nami läk ung Bawipa nami Khanpughi ah cäicat vai la kyihkyawk vai ah ang ming cu kä nami m’tam ung,

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

SAM 84:1

M’gäi ciah Bawipa, na Pum Im cu i hlawk ka m’hni ci ang!

SAM 68:4

Khanpughi am ng’äi m’cu vä, ng’äi ne aming m’taam vä; Ani ah hmawk ah lam pyang vä, ani cu ng’mei ung ng’cum ci nei. Aming cu Bawipa nei, ani ah ma ah yeikyai vä!

SAM 63:1

O Khanpughi, nang cu ka ning Khanpughi nei, kei cu nang awn ka ghing ci. Ka pumsa avan naw nang ning za hlük ci; chawng ne, ng’gau ne, tui kä om ciah ng’lei ah mäih ah ka mümcha naw tui ah ning gha ci nei.

1 GHANGPUGHANG GUI 8:27

“O Khanpughi, khomdek khan ah akcang ah na om hning ci ang? Khankho avan phi nang naw nak pan hmuh vai ah kä ng’shawng ci nei, cun ah kya ne, kei naw ka cawh vai ah shin ah Taigüim cu a i ah ang shawng vai ang?

EPHESIAN 4:10

Kyum lawk ciah Bawipa cu, a hlüngtai huham awn khopuui be sak khai ah mawpi khankho ah hang kai ba ciah Bawipa ah kyak ci.

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

MATTHE 22:45

David naw Messiah-am Bawipa cine a khü ah a kyak ung Messiah cu a i cha ah David ah ng’shon ah kyak khai ang?” cine ng’shi gui ci.