SAM 79:8 - Cho Bible Common Language 2016

⁸ Kami pupa gui ah kat ah hmawk ah kä na m’kyuk en gui ä. Tuhbäi nak chimgein gui ä; kami ngaih u nak maih yawp ci nei.

SAM 79:8 Referans Kwoze

ISAIAH 64:9

Cun ah kyasei keimi ah khan ah kä m’lungshe aih en ä, keimi na hnungtuk püi gui ne kami katnak ngawi yä kä k’pang en ä. Keimi na na chang gui nei, keimi na m’gein gui ä.

SAM 142:6

Na na m’htei vai ah ka kyah cu na ngai ä; Kei cu ng’zom ne ka ng’neim ci nei. Ka ga gui ah kut ung na hun ä, ngami cu gai aih ci gui nei.

SAM 116:6

Bawipa naw geinvai cicu shungvong ci; kei ka khüikha yah ung, ani naw na hun ci.

SAM 21:3

Nang naw küikyang ciah hriham law püi ne, ghui lukhu phi alu ung na k’bün ci.

THU PHLAAN 18:5

A i ah kyasei ci ung ani ah katnak cu khanmawpi k’phaa ne hlüng ne, Ani ah cheishoh nak ah lam cu, Khanpughi naw a shüm hmat yawp pyi ah hmawk ah kyak ci.

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

EZEKIEL 2:3

“Hnicim chang, kei naw Israel Chang gui ah ka ning tüi ci nei. Ngami cu ami pupa gui ah mäih ah kya u ne, kei na kuknet püi u ne, hnung tuk ne na ng’hla ta u ne, tuä güt na küknet püi ci gui.”

SAM 130:3

Kami katnak gui na na m’hnüt pek gui ah akyak ung, a u naw m’kyuk nak ung nak phyawn gui hlawt khai aw?

SAM 106:43

A chang gui cu Bawipa naw akda vei gung gui ci, cun ung phi ngami naw hnu ng’tuk püi nak vai ghü u ne, katnak ung thuuk law pi sei ng’hnim ci gui.

SAM 25:7

Ka nong yah ung ka cheishoh nak la ka kat kawng nak cu na m’gein ä. Ng’täi ciah na m’hni nak la nam’gein nak awn kei cu na shüm ä, Bawipa!

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

THULÄÄN NAK 28:43

“Nami khaw ung om tuk ciah a khaw hei chang gui cu huham mah law pi pi khai gui. Nangmi ah huham cu maih lawk khai.

PHYAWN NAK 32:34

Tuhbäi hteit ä, kei naw ka ning m’cäi nak ah hmun ung chang gui cu khah püi gui ä. Ka khanchang gui naw lam ning m’shüm khai nei. Cun ung phi shin ah chang gui ami kat ah phäh ah ka m’kyuk nak gui vai ah a khin cu gawk lawk ci nei” cik ci.

ATÜNNAK 15:16

Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.