SAM 79:6 - Cho Bible Common Language 2016

⁶ Kä ning khawihnah ciah pakhui gui ah khan la kä ning taigü ciah chang gui ah khan ah na m’lungshe nak cu ng’hlah püi ä.

SAM 79:6 Referans Kwoze

JEREMIAH 10:25

Nang kä ning khawihnah ci gui ah pakhui gui la nang ning hnu nak ciah chang gui ah khan ah na m’lungshe nak cu ng’hlah sak ä. Ngami naw na chang gui ngawn ci gui; Ngami naw keimi cu akbe ah na m’di gui ci gui, Kami ah khaw cu m’di shüt ci gui nei.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

SAM 14:4

Bawipa naw, ng’shi gui ne, akshe bik ci gui ami van cu ang laam u ne ang? A i kä hmat uu ne ang?” Ngami cu ka chang gui gut tep ne om ci gui, Kei ah kä taigü phung ci gui.

SAM 69:24

Na m’lung she nak awn yuk shawi gui ä, na thüi nak naw lin gui sä.

SAM 53:4

Khanpughi naw, “Shin ah akshe bik ci gui, a ik cang kä hmat u ne ma? Ka chang gui ah kaa, gut ne ei ci gui, kei ah phi kä taigü man ci gui nei” cik ci.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

LAMKTU 17:23

Kei cu nami gawnu avan ung hteit shüi shüi ne, nami taigü nak gui cu teng netah, ‘Kä hmat ah Khanpughi ah’ cine ca guk ah taigü kiang tumat cu ka hmuk ci. Cun ah nang mi naw kä hmat ne nami taigü ah Khanpughi ah mawng cu tuk bäi ka ning m’thein gui ah kya ci.

JOHAN 16:3

Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.

ZEPHANIAH 3:8

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.

JEREMIAH 25:29

Kei naw m’dimshum nak ah bii cu ka mät ah mang gaw ung ka tün khai. Ngami naw kä m’kyuk gui vai ah ngai u ne ang? Kaa nei, khomdek khan ung chang avan am ng’tuk nak ka tüih lawk khai, cun ah kyasei ngami cu m’kyuk gui vai nei kei, m’gäi ciah Bawipa naw ka pyen nei.

ISAIAH 42:25

Cun ah kyasei am lungshe nak ah aktawt cu mi gah ne, ng’hnüüt ciah ng’tuk nak ung mi yai ca ci. Ani ah m’lungshe nak naw Israel khaw avan cu mei ah mäih ah ui ci. Acun ungka, mikmi naw mi ng’thei nak a i phi kä om ci.

SAM 145:18

Ani naw ani khü ci gui la m’lung neim nak awn khü ci gui cu k’et gui ci.

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

JOHAN 17:25

“Düng ciah Kapa! M’dek chang gui naw kä ning hmat u sei phi, kei naw ka ning hmat ci nei. Shin ah chang gui naw kei cu, nang naw na na tüih law ah hmat ci gui nei.